ဇွန်လ(၅)ရက်နေ့မှ(၈)ရက်နေ့အထိ မြန်မာနိုင်ငံ မူဆယ်ခရိုင် စိုက်ပျိုးရေးဦးစီးဌာန ဦးစီးမှူး ဒေါ်နန်းလွင် လွင် စိန်ဦးဆောင်သည့် ရှမ်းပြည်နယ်မြောက်ပိုင်းခရိုင်မြို့ (၁၃)ခု စိုက်ပျိုးရေးဦးစီးဌာနနည်းပညာဆိုင်ရာဝန်ထမ်းနှင့် စီမံ ကိန်းပူးပေါင်းဆောင်ရွက်မှုဇုန်ရှိ တောင်သူကိုယ်စားလှယ်များဖြင့် ဖွဲ့စည်းထားသော အဖွဲ့ဝင် (၄၇)ဦးပါဝင်သည့် ကိုယ် စားလှယ်အဖွဲ့သည် တရုတ် နိုင်ငံ တက်ဟုန်းပြည်နယ်ခွဲရှိ ခရိုင်နှင့် မြို့(၅)ခုသို့ သွားရောက်ခဲ့ကာ မြန်မာနိုင်ငံ စိုက်ပျိုး ရေးနည်းပညာအရည် အချင်း၊ စိုက်ပျိုးသီးနှံအထွက်တိုးရေး၊ မြန်မာ့ စိုက်ပျိုးရေးလုပ်ငန်း ဖွံ့ဖြိုးတိုးတက်မှုများ မြှင့်တင် နိုင်ရေးအတွက် လေ့လာဖလှယ်မှုများပြုလုပ်ခဲ့ကြောင်း သိရပါသည်။

　　ကိုယ်စားလှယ်အဖွဲ့သည် တက်ဟုန်းပြည်နယ်ခွဲ ခရိုင်နှင့် မြို့၅)ခုရှိ စိုက်ပျိုးရေးလုပ်ငန်း ဖွံ့ဖြိုးတိုးတက်မှု အခြေ အနေများကို သွားရောက်လေလာခဲ့၍ ပြည်နယ်ခွဲရှိ ကျွဲကော်သီး၊ ဖန်လုံအိမ် ဟင်းသီးဟင်းရွက်စိုက်ပျိုးရေး၊ သစ် သီး စိုက်ပျိုးခြံ၊ ရေစပါး၊ ကြံ၊ လက်ဖက်စသည့် စိုက်ပျိုးရေးဆိုင်ရာ ကျွမ်းကျင်သူများနှင့် ဆွေးနွေးဖလှယ်မှုများ ပြုလုပ်ခဲ့ပါ သည်။ထို့အပြင် မြန်မာကိုယ်စားလှယ်အဖွဲ့သည် တက်ဟုန်းပြည်နယ်ခွဲရှိ စိုက်ပျိုးရေးသိပ္ပံဌာန၊ ပြည်နယ်ခွဲကြံသုတေသ နဌာနများသို့ သွားရောက်လေ့လာမှုများ ပြုလုပ်ခဲ့သည့်အပြင် တက်ဟုန်းပြည်နယ်ခွဲ စိုက်ပျိုးရေးဌာနရှိ ဝန်ထမ်းများနှင့် အပြန်အလှန်ဆွေးနွေးဖလှယ်မှုများ ပြုလုပ်ခဲ့ကြောင်း သိရပါသည်။

　　(၇)ရက်နေ့က ကျင်းပခဲ့သော နှီးနှောဖလှယ်ပွဲတွင် တရုတ်-မြန်မာနှစ်နိုင်ငံ သက်ဆိုင်ရာဌာန တာဝန်ရှိသူများ၊ လုပ်ငန်း ကိုယ်စားလှယ်တို့မှ စိုက်ပျိုးရေးပူးပေါင်းဆောင်ရွက်မှုဆိုင်ရာ ကိစ္စရပ်များအပေါ် ဆွေးနွေးဖလှယ်မှုများ ပြုလုပ်ခဲ့သည်။ တရုတ်နိုင်ငံကိုယ်စားလှယ်က ရေစပါး၊ ကြံ၊ ပြောင်း၊ ဟင်းသီးဟင်းရွက်၊ မွေးမြူရေး၊ ရေထွက်ကုန်လုပ် ငန်းစသည့်ကဏ္ဍများတွင် ဆက်လက်ပူးပေါင်းဆောင်ရွက်သွားရန် အကြံပြုခဲ့ပြီး တရုတ်မြန်မာနှစ်နိုင်ငံ၏ စိုက်ပျိုးရေး တည်ငြိမ်စွာဖွံ့ဖြိုးတိုးတက်ရန် ပူးပေါင်းမြှင့်တင်သွားမည်ဖြစ်ရာ တရုတ်နိုင်ငံမှ တက်ဟုန်းပြည်နယ်ခွဲ ခေတ်မှီ သိပ္ပံ နည်းပညာနှင့်အရည်အသွေးမြင့်မျိုးများကို တင်သွင်းကာ မြန်မာနိုင်ငံတွင် စိုက်ပျိုးကြီးထွားရန်နှင့် စိုက်ပျိုးရေးပူးပေါင်း ဆောင်ရွက်မှုဖလှယ်ရေးစံပြဇုန်ကို ပူးပေါင်းတည်ဆောက်သွားရန် မျှော်လင့်ပါကြောင်း၊ နှစ်ဦးနှစ်ဖက် စိုက်ပျိုး ရေး အကျိုးသက်ရောက်မှုမြှင့်တင်နိုင်ရန်၊ တောင်သူလယ်သမားများ၏ဝင်ငွေတိုးများလာရန်၊ မြန်မာနိုင်ငံပြည်သူပြည်သား များကို အကျိုးပြုနိုင်ရန်အတွက် ဖော်ဆောင်သွားမည်ဖြစ်ကာ နှစ်နိုင်ငံပေါက်ဖော်ချစ်ကြည်ရေး ပိုမို တည်တံ့ခိုင်မြဲစေ ရေးအတွက် ဆောင်ရွက်သွားမည်ဖြစ်ကြောင်း သိရပါသည်။

　　www.dhtjb.com မှကောက်နုတ်ဖော်ပြသည်။