Lengho ginwang Mungyang gat mare　Panggai mare salang rapdo go Sam amyu ni　98% du ai nlo amyu gahtong rai nga ai.　Ndai mare salang rapdo pati lakying na mu　madu go Baran amyu shayi num rai nga ai,　maning shi go pati a nambat 19 lang mungdan　gasa zuphpong gasa tai lu nu ai.

　　“Mu madu Zhau e woi shakut ai nga　yang, mare salang rapdo lam pa mat, gahtong　grau san seng mat, hkai lu hkai sha,　rem lu rem sha laksan pong galo hozoshe　mung galo la lu sai, shawa yong hte shaning　shagu ja gumhpro lu jat la nna, lani hte lani　sut su mat wa sai!”Mare salang rapdo laklai　mat wa ai lam hta tsun du jang, gahtong masha　ni go ndai sut su lam woi hkom ai jan　hpe grai shakon shagrau nga ma ai.

　　1999 ning hta, Zhau Chun Ye go Kyupau　ginwang do ko nna Mung yang gat　mare Panggai mare salang rapdo hta chyaru　shadu rung ko chyaru sa shadu sharin u ai,　dai hpang shi go Panggai gahtong na Sam　nta ni ko num wa nu ai, shi go Panggai mare　salang rapdo pati lakying mu madu, shayi　num hpung mu madu, Panggai chyaru shadu　rung rung up re lit gun lai wa yu sai hte maren,　mare salang rapdo ting na shawa masha　ni hpe woi sut su hkrat wa na lam hpe myit　hta ding yang bang da nga u ai.

　　10 jan ning rai wa yang, Zhau Chun Ye　go chyru shadu hpaji atsom sharin hka-ja, atsom　dinglik sa wa ai nga yang, mying dan　hkong ai Panggai chyaru lu shadu shapro nu　ai, shi a chyaru shadu hpaji hpe mung shawa　yong hpe sharin ya nna, ja gumhpro tam la　shangun nga u ai, ya go Panggai mare　salang rapdo masha ni htinggo shagu chyaru　shadu chye mat ma masai.

　　Lawu tsang pati masha ganbu rai nga ai　Zhau Chun Ye go, shawa masha ni sut su wa　na bungli hkrai woi galo sa wa nga ai. Pati a　tara, ubadi tara, asat tara re ni woi hkan　shatup hkrat wa, pati masha, shayi num ni　hpe hpun kawa nampu nampan ni woi hkai,　maza lajang, gahtong shatsom, gumhpro　jashon la nna sama hpaji sharin shapan　hpung hpo rai nna, Panggai mare salang rapdo　grai lak lai mat, shawa masha ni mung　shakut kam ai hkrai rai nga ma ai. Ndai masum　lali ning laman hta, shi woi ginron shakut　hkrat wa ai nga yang, mare salang rapdo　hta hkai lu hkaisha, rem lu rem sha laksan　hozoshe hpo ton nna, shawa masha ni hpe　woi shakut nga u ai.

　　Pati a nambat 19 lang mungdan gasa　zuphpong gaba wa lom ai hpang, Zhau　Chun Ye go shakut na myit n-gun grau rot　mat nu ai. Shi go zuphpong gaba hta tsun　shapro ai hkaimu gahtong shawum shaja　hkrat wa na tara hkan shatup lang hkrat wa　nna, Panggai mare salang rapdo masha ni　hpe atsom woi sut su hkrat wa na nga nna　tsun u ai.