Madu dap shiga Shata 7 nhtoi 24 ya shani, Sakhkung mungdo na kunghpan hpaji hko shabra ganbu marai 49 go Wuhan dakkasu jong ko hko shabra hpaji sharin hpong 7 ya wa lom ma ai.

　　Sagon yu yang chye lu ai, ndai lang na sharin hpong go prat nnan na hko shabra lam hta ra rong ai manghkang hparan kau nna mung shawa masha hpe woi sharin shaga, amyu hpaji rot jat lam, hko shabra magam mu hpaji re ko shingrau nna woi galo ai laksan sharin hpong re, sharin hpong hta galo gaja ai kasi hpe la shapro nhtom prat nnan hta madu a atsam hpe gara hku shangang shakang la na ladat, mung shawa masha ni hpe gara hku woi sharin shaga sa wa na lam re ni maram dan ma ai. Sharin hpong ko sharin ai hpaji jom madat la ai hpang, ganbu ni Hube mungdo gaba na mauhpa hko, Sinhai gumlan Wuchang rot malan myit dum masat htingnu, Htanhualin gat lok, Hung T gat yang ningnan re shara hkan na labau hpaji, tatut hpaji, kunghpan hpaji re ni hpe hkan yu sharin la ma ai.

　　(Gale ai Labang Bok Mai)