Jong lung nga ai jongma ni hpe garum shado la ai htung lai gaja dingya matut galo hkrat wa na matu, jongma ni hpe grau nna n-gun jo lu na matu, Sakhkung mungdo Jinghpo Wunpong amyu sharot hpaji sumru hpung ni jom dup sumru yu nna, jongma hpung mi hpe garum shado n-gun jo la na matu dodan sai, lakung lama hpring ai jongma ni shata 8 nhtoi 15 ya a shong e Sakhkung mungdo Jinghpo Wunpong amyu sharot hpaji sumru hpung de hpyi shon dat ga.

　　1. Garum shado la na lakung lama go

　　(1) 2022 ning hta dakkasu benhko(本科) a lahta de na jong gaba de sanpoi ong ai mungdo tsang Jinghpo Wunpong amyu sharot hpaji sumru hpung ko lom ai hpung masha ni a gasha ni.

　　(2)2022 ning hta Beta(北大), Zhinhua(清华), Fudan(复旦), Shanghai kyauta(上海交大), Jeda (浙大), Nanhkai(南开) re dakkasu jong gaba 6 ko san poi ong ai mungdo ting na Jinghpo amyu jongma ni, mying jahpan hpe ginwang myu shagu na Jinghpo Wunpong amyu sharot hpaji sumru hpung ni ko nna hkap lajang nhtom, mungdo Jinghpo Wunpong amyu sharot hpaji sumru hpung de shalai dat na.

　　(3)2022 ning hta Shosi yen-kyu sin (硕士研究生) a lahta de na hpaji sanpoi ong ai mungdo ting na Jinghpo amyu jongma ni, mying jahpan hpe ginwang myu shagu na Jinghpo Wunpong amyu sharot hpaji sumru hpung ni hkap lajang nhtom, mungdo Jinghpo Wunpong amyu sharot hpaji sumru hpung de shalai dat na.

　　2. Mying jahpan bang ai ko sa ap ra ai laika ngau

　　(1)Dip gayat la ai jongma hkap hta shana laika.

　　(2)Dip gayat la ai jongma ni a mungchying sha masat lakmat hte masha jahpan buk.

　　(3)Jongma ni hte ganu gawa ni a matut mahkai chye-nan, dum nta nga shara hkringdat, magam gun rung dap hkringdat.

　　(4)Lema gaji mi daram pa ai bo do datbung langai, ta chye-nan ko mung hkyem lema gaji mi daram pa ai bo do datbung hkyem lang ra ai.

　　(5)Jongma ni a gumhpro dum lakmat hte gumhpro dum lakmat sa la ai shara mying.

　　3. Mying jahpan bang na hkringdat

　　Mangshi myu Yunghkan(勇罕) gat nambat 23 mungdo Jinghpo Wunpong amyu sharot hpaji hpung mu htam gok, Wunhuakung(文化宫) makau na mi na mungdo amyu ga laika matsun madun rapdo mu htam nta htap 2 ko re.

　　Matut mahkai chyenan:

　　Shi Rui Fang(石瑞芳) 2980198 18908826079

　　Shi Dau No(石道弄) 2980198 15184947261

　　Sakhkung mungdo Jinghpo Wunpong amyu sharot hpaji sumru hpung

　　2022 ning shata 8 pro 1 ya