Madu dap shiga Mungdan ting hta yi-nam lado shana ten lammo mara jep hpang wa sai hte maren, Sakhkung mungdo pyada dap lammo gonhkang hpung ni shata 7 htum wa do ko nna lamo mara jep hpang wa ma yang, 7 ya laman e lammo mara mu 14690 mu jep ma ai, lammo mara song ai go 9713 re.

　　Bungli hprai ai ko hkan nna, Sakhkung mungdo pyada ap lammo gonhkang hpung ni shata 7 htum wa do ko nna shata 9 htum hkra, lamo mara jep na hkyem ai. Mungdo tsang shagu na pyada hpyen la ni lammo mara jep magam mu gun hpai na lit lu ai, mara jep na gik hkap shara 20 san ton nna mara jep hkyem ma ai.

　　Magam gun masha Jau Chun Yen tsun ai: “Masum lang jep hkyem ga ai, madung go tsa lu la nna modo got, masha garot shajan, wunli makop sumbat n bat, wunli makop bochyop n chyop re ni hpe jep na, bai nna, ka-ni nanghpam ninghtuk lu la nna modo got, modo nambat n shakap ai got hkom, modo got lakmat n lu ai modo got hkom, modo gau let yupnga, modo sengke jak aja wa shangoi nna gau hkom re ni hpe jep na ga ai.” Nga ai.

　　Seng ang magam gun masha ni tsun dan ma yang, lammo gonhkang hpung ni Shong de go laban hpang 5 ya, laban hpang 6 ya, laban shani re hkan lo madung jep ai, ndai lapran go dai hku nre, shani shanang jep ai, madung go shana de na shat sha ngut ai hpang hte yuptung na lu sha sha ngut ai hpang hkan jep na, shat seng makau hkan, yuptung tung hkra lu sha dut ai lu sha seng makau hkan, pyo chyai shara makau hkan hkap nga nna jep hkyem ai, hpung garan nna shong hpang rai sa hkap nga na hku re. Dai hte rau, tsa lu la nna sengke got, dat leng got, lakmat n lu ai sengke got hkom, masha lo lo hto hkom re ni hpe jep ga ai nga ai.

　　Matsing ton ai ko mu yang, shata 7 nhtoi 21 ya shani ko nhtoi 27 ya shani du yang, 7 ya laman e lammo mara mu 14690 mu jep sai, mara song ai go 9713 re. Mara mu dai hte hta na, tsa nang nna modo gau ai 89, lakmat n lu ai 563, wunli makop sumbat n bat ai 5643, wunli makop bochyop n chyop ai 2305 rai nga ai.