Madu dap shiga Shata 8 pro 1 ya shani, Mangshi Chyungshan ginwang do pati rapdo asuya rung, Wandin gik hkap hpyen dap Chyungshan dap ran, mung htingrep hpyen dap Chyungshan dap ran, Shanglot hpyen hpung mung htingrep shanu hpyen dap dap ran re ni Miwa mung mungchying sha shanglot hpyen hpung maden sharot ai 95 ning hpring poi jom hkalum ma ai.

　　Hkalum poi hta donghkon shalun masat shong galo nna, mungdan mahkon jom madat let, mungdan donghkon de man yong nna salam jo ma ai. Hkye kang ai donghkon gata hta, pati hpung masha ni ga daka galang bai tsun ai hte rau, pati hpung shang ai shaloi na myit shingyo nhtang sumru, magam lit gun hpai na n-gun da-ting la rai ma ai. Hkalum poi hta, pati a nambat 20 lang zuphpong laman hta pati asuya rung, shanglot hpyen hpung, pyada hpyen hpung, mung shawa masha re ni wunli jom makop na hte yi-ngam lado na n shop ai mara mu gasat manga hkrat wa na matu n-gun jo dat ma ai.

　　Hkalum poi laman hta, Chyungshan ginwang do pati rapdo asuya rung ni Shanglot hpyen hpung mung htingrep shanu hpyen dap dap ran, Wandin gik hkap hpyen dap Chyungshan dap ran, mung htingrep hpyen dap Chyungshan dap ran re ni hpe kumhpa sa jo da ma ai.

　　Mangshi Chyungshan ginwang do hpyen lahkon dap dap up Ho Hkyang ning nga ai: Chyungshan ginwang do ni shanglot hpyen hpung, pyada hpyen hpung, mung shawa masha re ni hte rau, mung htingrep shangang shakang ai shamu shamot lamang loi n hkring hpo galo ai. Ya htomhpang de ladat amyu myu hte, mung htingrep shangang shakang gon lajang ai magam mu hta n-gun atsam dingya dat na ga ai.

　　(Gale ai Lahto Brang Ja)