Madu dap shiga Nambat 7 lang na hpaji hko shabra ganbu atsam sharot sharin hpong go ndai lapran Wuhan dakkasu jong ko hpo hpang masai, mungdo ting na kung hpan hpaji hko shabra ganbu marai 49 sharin hpong wa lom ma ai.

　　Ndai lang na sharin hpong go Sakhkung mungdo na hko shabra ganbu ni a hko shabra myit atsam sharot ya, mung masa myit jasat ja- hpring ya, hpaji madang tso, lam nnan chye hkom, gasat manga na atsam rong re kunghpan hko shabra hpung shalat na matu hpo ai sharin hpong re. Sharin hpong hpo ai laman e, sharin hpong wa lom ai ganbu yong go prat nnan na hko shabra lam hta ra rong ai manghkang hparan kau nna mung shawa masha hpe woi sharin shaga, amyu hpaji rot jat lam, pati ko nna magam mu woi madun ai lam, hko shabra magam mu hpaji, Miwa mung suthpom pati labau madung hko sha bra, prat nnan na ta tut galo sa wa lam re ni laksan sharin dup sumru ai hta n-ga, sharin sara ni ta tut woi madun sharin, sharin sara ni hte jong ma ni shada hpaji jo hkat, myit lu lam jom tsun jahta re lamamg ni hpo galo rai ma ai.

　　Sakhkung mungdo hko shabra dap ningbo wa go, hpaji sa sharin lom ni yong hpe hpaji chye hkra sharin la nna mungdo na hko shabra magam mu hta chye jai lang, n-gun atsam chye dat nang ra ai nga lajin dat u ai; Ding hkung mu madu Si Gyin Hpyin a hko shabra hpaji lam hte seng ai munglun hpe sung chyung ai hku chye htai la ra ai, galoi rai tim, labau lit galo shatup, Miwa mung maumui hko shabra na matsing ton rai, hpaji hko shabra atsam sha- rot shatso la nna, akyu nsi gaja hte pati a nanbat 20 lang zuphpong ongdang ai hte hpo hpong lu na hpe hkap hkalum tau la ra ai nga ai.

　　(Gale ai Labang Bok Mai)