Madu dap shiga Shata 8 pro 4 ya shani, mungdo ting na mungdo gaba tsang sanseng chyoipra myu mae jep maram gram sharai magam mu htu satsong zuphpong Yinkyang ko hpo hpong lai wa sai.

　　Mungdo rapdo mu madu ningtau, mungdo rapdo hko shabra dap dap up, mungdo sanseng chyoipra rapdo mu madu Hu Shau Chin zuphpong hta sa du dung nhtom, ga sa shaga u ai.

　　Zuphpong hta madun shapro ai, lai wa sai ten hta mungdo rapdo, mungdo asuya ni sanseng chyoipra myit atsam hte myu mare sanseng chyoipra magam mu hpe ahkyak la nna go maden shalat hkrat wa nga ai hte maren, Mangshi, Shuili, Nshon, Yinkyang, Lengho re ginwang myu 5 ko shong hpang rai mungdo gaba tsang sanseng chyoipra myu mare maden shalat ton sai, Mangshi myu hpe 2020 ning ko nna 3023 ning lapran na “Mungdan ting na sanseng chyoipra myu mare mying jahpan” ko mying shon ton lu sai.

　　2021 ning hta mungdo gaba tsang sanseng chyoi pra myu mare jep maram ai shaloi, Lengho ginwang hte Nshon ginwang ni hpe a- ten masat ya nna gram sharai shangun ma ai, Yinkyang ginwang ni a mungdo gaba tsang sanseng chyoi pra myu mare go dom kau ya ai hkrum ai, dai hpe yu yang anhte mungdo ni sanseng chyoipra myu maren maden shalat ai magam hpe ahkyak nau n shatai ai, nhtang myit sumru yu na lam grai nga ai. Ginwang myu shagu ni masat da ai shatang madang ko hkan nna, jep maram ai hkam lu hkra shakut ra ai nga ai.

　　Zuphpong hta gahtap lajin dat ai, Si Gyin Hpyin a prat ningnan na Miwa mung nsam rong ai hpong shingra masa myit jasat ko hkan nna sanseng chyoi pra ai myu maren maden shalat hkrat wa let, Si Gyin Hpyin a prat ningnan Miwa mung nsam rong ai hpong shingra masa myit jasat sharin hka ja galo shatup hko shabra hkrat wa ai kasi madun shara byin tai hkra shakut ra ai. Mabyin masa ko yu nna, mahkrum madup lam, hkam sha yu ai lam, no ningra nga ai lam re ni hpe nhtang sumru yu nna, magam mu lam shagu hta n-gun atsam dat ra ai. Masat da ai shatang madang ko hkan nna, magam mu lam shagu hpe shatang du madang tso ai hku galo shatup hkrat wa ra ai nga ai.

　　Zuphpong hta du dung ai salang ni anhte mungdo na sanseng chyoipra myu mare maden shalat ai sumla hkrung jom yu la nhtom, Shuili, Lengho, Nshon, Yinkyang hte Mungdo tsang rung dap na ningbo ni hpaji jo hkat ma ai. (Gale ai Lahto Brang Ja)