Madu dap shiga Shata 8 pro 8 ya shani, Mungdo gaba nambat 16 lang hkumhkrang shalik shingjong poi na ta bolung buk shingjong lamang hta, anhte mungdo na la hpung ni ningnan lang shingjong ai ko amat 76:57 re madang hte Chauhtung hpung ni hpe shingjong dang nna, B hpung ko na ningnan lang shingjong ai hta shingjong dang sai.

　　Sakhkung ta bolung buk shingjong hpung ni hte Chyauhtung ta bolung buk shingjong hpung ni a shingjong lamang go du sa wa ai shawa masha ni a la-hpok nsen hta shingjong hpang wa sai. Nambat 1 do hta Sakhkung ni amat 6 shong lu la ai, raitim Chyhtung ta bo lung buk shingjong hpung ni myit n gaji ai sha, dingyang shakut nna nambat langai do ko ong mat sai. Hpang do e go Sakhkung hpung na sara wa shingjong ladat kaga sho nna dingyang shakut shaja ai majo hpung gaji hta shingjong dang sai. Shingrai ningnan sha no shingjong hpang wa yang bolung gasup shingjong dang ai majo n-gun lu sai hte maren, dai shana de A hpung na shingjong lamang hta Sakhkung la hpung ni amat 89:47 re madang hte Paushan na la hpung ni hpe bai shingjong dang sai. (Gale ai Nhkum Ma Chin)