Madu dap shiga Shata 8 nhtoi 11 ya shani，mungdo rapdo mu madu, Shuili mungdan madung hpaga gahkan hpo chyam dinglik lok pati rapdo mu madu, gonhkang rapdo mu madu Kyang Shan wuhpung woi nna mung htingrep hpaga gahkan hpo chyam dinglik lok go maden lam sa maram hkom ai shaloi gahtap matsun ai, ding hkung mu madu Si Gyin Hpyin Yinnan ko sa maram hkom ai shaloi matsun ai mungga atsam hpe atsom hkan galo shatup hkrat wa, Myen mung ko sa du gawan hkom ai shaloi na akyu yi-ngam hpe shong de dingyang htu sit hkrat wa, pati ginjo mungdan amu gun dap ni hte mungdo gaba rapdo asuya ni hprai ai mu atsom hkan galo shatup,yong shamu shamot nna, n-gun langai, ladat langai sho nna, shatang madang tso ai hku Sakhkung mung htingrep hpaga gahkan hpo chyam dinglik mu atsom go maden hkrat wa na hku nga ai.

　　Dung jahta hpong hta, seng ang ai hpaji masha ni sharot zing- hka lam, magam mu lam, hkrum htinglet mu lam, hpaga gahkan hpo na mu lam re ni ko shingrau nna, mung htingrep paga gahkan hpo chyam dinglik lok go maden na mu lam shagu jom maram ma ai.

　　Kyang Shan tsun ai, Sakhkung go hpaga gahkan hpo ai shong lam rai nga ai, Myen mung de matut hkat ai gahkan grau lo,mu lam shagu hkum nga ai, pati ginjo, mungdan amu gun dap ni Miwa mung hte Myen mung na ja sutgan hpaga ginra gaba, ginjo na nambat langai hpaga gahkan hpo chyam dinglik lok ahkang jo ya ai ginra rai nga ai, hpaga madung ginra mung rai nga ai nga ai.

　　Mungdo rapdo dinggrin salang, mungdo chyare mu madu Jin Hkung Yin， mungdo rapdo dinggrin salang, Shuili myu rapdo mu madu Mau Shau， Nshon ginwang rapdo mu madu， mungdo sharot zinghka gram gumlai rapdo, mungdo hpaga mu lam gon dap, mungdo hpungtang hpaji mu lam gon dap, mungdo hkrum hting let mu lam gon dap na hpu on ni dung jahta hpong sa lom ma ai.

　　(Gale ai Yongba Tang)