Madu dap shiga Shata 8 nhtoi 11 ya shani, Yinnan mungdo ningdo 16 lang na hkumhkrang shaman shingjong poi ramma hpung ta bolung tek shingjong lamang hta, Sakhkung mungdo ramma la hpung ni n-gun atsam sho nna, amat 3:2 hte Yisi hpung ni hpe dang kau sai hte maren, shong ningnan shingjong lam hta ong dang sai.

　　Ndai lang na la hpung shingjong lam hta, Sakhkung hpung ni go nambat 1 lang shingjong lom ai hte jang loi byin ai ginra madu Yisi hpung ni hte hkrum nga ai, rai tim shanhte go nhkrit ntsang ai myit atsam hte shong na lado lahkong ngu na shingjong dang la sai, Yisi hpung ni mung bai matut ai lado lahkong hta dang la manu ai, hpang jahtum lado 5 lang ngu na ko go Sakhkung hpung ni gasup shingjong ladat ni bai sharai la, manu mana shakut shaja lai wa ai hpang shingjong lamang hpe ongdang la lu sai. Shingjong ngut ai hpang Sakhkung na ta bolung htek la hpung hpaji jo sara Hpu Hkyi Chin madun shapro ai, Sakhkung ta bolung ramma hpung ni hkrak re shingjong lamang nau n lom yu shi ai majo mahkrum madup nau rai n nga ai, masha nkau a myit tsam nau n ngang grin ai, rai tim gui htim gui shingjong, asum n hkam ai myit atsam go yong hta rong nga ai nga ai.

　　Hpu Hkyi Chin tsun ai: Yong go grai byin ai hkrai re, dang mung dang la lu sai, anhte mayu e na tsam marai mung shadan dan lu sai, ya matut nna ahkyak ai shingjong lamang no nga ai, yong atsom sha shang shingjong lom ra ai nga ai.

　　(Gale ai Maji Brang Seng)