Madu dap shiga Shata 8 pro 10 ya shani, Yinnan mungdo gaba ningdo 16 lang hkumhkrang shalik shingjong poi shayi num li nak rai hpai sharot shingjong lamang hpe Yisi myu Yenkyang ginwang ko shingjong hkat ma ai. Anhte mungdo ni shalik shingjong masha marai 14 hprai dat ai rai yang, magri dazik 2 lu la sai.

　　Pro 10 ya jahpot de na li nak rai kungkyin 40 hpai sharot shingjong lamang hta, asak 13 du sai shalik shingjong masha Jau Yin magri dazik lu la sai. shana de na kungkyin 89 hpai sharot lamang hta, shayi sha Tau Masang n-gun dat shut ai majo kumhpa n lu la mat sai, asak 14 ning du sai shayi sha Ho Zhin kungkyin 49 hpai sha- rot lamang hta magri dazik lu la sai, dai go shi mungdo gaba shalik shingjong hta ningnan lu la ai kumhpa re.

　　Sagon chye lu yang, li nak rai hpai sharot shingjong lamang hta mungdo myu shagu na shalik shingjong masha 200 jan sa lom ma ai. Anhte mungdo na shadang sha 22 li nak rai hpai sharot shingjong lamang ko lom hkyem ma ai. (Gale ai Lahto Brang Ja)