Madu dap shiga Shata 8 nhtoi 15 ya shana hkying 8 e，Yinnan mungdo gaba nambat 16 lang hkum shalit shingjong poi hpri pa ga- bai shingjong lamang la hpung na B hpung gaji hta，Sakhkung na Wang Kin Yin go mida 62.07 hte B hpung na ja dazik lu la ai, ndai go Sakhkung ni hten-gyin shingjong ai ko na nambat 5 lang lu la ai ja dazik re, Wang Kin Yin go Mangshi magam mu hpaji jong na jongma langai re, gaji ai ko nna gaba ai shalik shaman lam grai sharong nga ai, dai shani na shingjong poi hta, Wang Kin Yin go hpri pa nambat 5 lang gabai ai shaloi n-gun atsam ma hkra hte mida 62.07 tsan hkra lu gabai nna, Sakhkung hpung ni hpe ja dazik kumhpa langai bai lu jat ya nga ai. Dai shana num hpung na B hpung gaji ni shingjong ai hta, Mangshi lapran tsang jong na Sam num gasha Dau Htui Hong nambat langai bai lu la ai majo, hten-gyin shingjong ai ko na nambat 4 lang ja dazik kumhpa lu la sai.

　　(Gale ai Nhkum Ma Chin)