Shata 8 nhtoi 14 ya shani, mungdo gaba hkumhkrang shalik shaman rung, mungdo gaba jak mu masha gumhpon gon dap ni madung woi galo nhtom, Yisi myu mungchying sha asuya rung ni lit la nna hpo galo ai Yinnan mungdo gaba ningdo 16 lang ramma hpung sumgon bolung shingjong lamang go Yisi myu sumgon bolung shingjong shara hta ginhtip kau dat sai.

　　7 ya laman e, Yinnan mungdo gaba mungdo(myu) 11 na ramma 201 ni go shingjong lam 300 jan lang shang lom lai wa sai hta n-ga, nambat 1 lu ai wuhpung 3 shingjong shapro ton masai. Sakhkung mungdo na ramma 22 shingjong lamang wa shang lom ma ai, shanhte hta sak grau gaba ai go 14 ning, grau gaji ai go 10 ning sha re, shingjong shang lom ai shaloi nhkrit ntsang ai myit atsam rong, gui gasup gui shingjong rai shakut lai wa nna, C la hpung nambat 1 hte A marai lahkong num hpung nambat 1 lu la, A madu hkum num hpung, A num hpung, B la hpung, B num hpung, B marai lahkong la hpung ni nambat 2 lu la, C num hpung, A madu hkum la hpung, B marai lahkong num hpung ni nambat 3 lu la ai akyu nsi gaja lu shingjong lai wa sai. (Gale ai Maji Brang Seng)