Shata 8 nhtoi 18 ya shani, mungdo asat tara jep lajang rung dap ni sinkon ana htang maja magam jep gon htu satsong zuphpong hpo nna, ginjo, mungdo gaba, mungdo na ana zinli htang maja zuphpong atsam hte hprai dat ai bungli jom madat mara sharin hkam la ma ai. Mungdo rapdo dinggrin salang, mungdo asat tara jep rapdo mu madu, mungdo jep lajang rapdo mu madu Dai Ji Hkyang zuphpong hta sa du dung ai hte rau, galo na bungli hprai u ai.

　　Zuphpong hta gahtap lajin dat ai, mungdo ting na asat tara jep lajang rung dap ni hte magam gun masha ni mung masa myit jasat hte maram dodan na tsam, htai la na atsam, magam bungli galo na atsam re ni sharot la nna, dinghku mu madu Si Gyin Hpyin tsun ai ahkyak mungga hkan sa let, ana zinli htang maja magam mu hpe si mani rai du du galo ra ai nga ai.

　　Zuphpong hta lajin dat ai, mungdo ting na asat tara jep lajang rung dap ni myit n shanu ai sha, hkrit tsang ra ai lam ni hpe hkying ten shagu hta dum ra ai, ana zinli htang maja magam mu hpe shong tau hkrau nna sadi maja ra ai hte rau, pati ginjo ko nna hprai hparan dat ai magam bungli hpe n hprai hkra galo shatup ra ai nga ai.

　　Zuphpong hta lajin dat ai, ya ten hte htomhpang de na ten lado mi hta, mungdo ting na asat tara jep lajang rung dap ni, gaja ai magam mu galo ron lai hte, mungdo ting na ana zinli htang maja magam mu atsom yu gon nhtom, ana zinli htang maja kau lu hkra, ja sutgan rot zinghka jat wa lu hkra shakut shaja ra ai nga ai.

　　Ginwang myu shagu na ni sumla hkrung ko zuphpong mungga madat mara la ma ai. Zuphpong hta daining asat tara jep lajang rung dap ni ana zinli htang maja magam yu gon ai masa shon shana dan ma ai.

　　(Gale ai Lahto Brang Ja)