Yinnan mungdo gaba n hkru bungli share shagan alu mahkong hpung maden sharot ton ai 20 hpring nhtoi du dep wa na shong e, shata 8 nhtoi 18 ya shani, mungdo gaba rapdo mung masa tara rapdo hte mungdo gaba n hkru bungli share shagan alu mahkong hpung ni go, ginjo tsang hte mungdo gaba tsang na shi sok hpung ni hpe woi nna, anhte mungdo na n hkru bungli share shagan hkye mawai ai masa lam re ni sa sok ma ai.

　　Dung jahta hpong hta, mungdo rapdo mung masa tara rapdo na seng ang lit gun ningbo ni magam mu galo ai masa lam shon shana dan ma ai. Ginjo nsen shapoi dat sumla hkrung dap mungkan dat nbung shingwang, 《Tara shi laika》 dap, Miwa mung shi shabra dap, 《Yinnan shi laika》 dap, Yinnan dat nbung shingwang dap, 《Yinnan tara shi laika》 dap, 《Yinnan ja sutgan shi laika》 dap, 《Chunchin shi laika》 dap re ginjo hte mungdo gaba tsang na shi sok masha ni go, anhte mungdo na n hkru n gaja ai ni hpe htim manga gui ai share shagan ningshong sho masha Shi Lating, Yi Yin Zhin re ni hte rau dung rau hpong let, shanhte a nhkru bungli share shagan hkye mawai lai wa ai lam san sagon yu ma ai.

　　Sagon yu yang, Sakhkung n hkru bungli share shagan hpung hpe 2002 ning shata 11 hta maden sharot ton ai hpang ko nna rai wa yang, seng ang ai magam mu hpe htep lahti rai galo lai wa sai. 2002 ning ko nna daining du yang, mungdo ting na nhkru bungli share shagan hkye mawai masha 220 hpe tsang shagu na asuya ni shakon shagrau lai wa ai, masha 220 hta na mungdan tsang ni shakon shagrau ai 2, mungdo gaba tsang ni shakon shagrau ai 56, mungdo tsang ni shakon shagrau ai 103, ginwang tsang ni shakon shagrau ai 59 rai nga ai. Nhkru bungli shara shagan masha ni hpe gumhpro kumhpa lap wan 3 jan jo lai wa sai. (Gale ai Lahto Brang Ja)