Upati tara hte sut magam rung go maden, sut magam rung shatang madang tso majan jat lam htu sit dat. Shata 8 nhtoi 16 ya shani ko nna nhtoi 17 ya shani du hkra, mungdo gaba, mungdo jak mu hpaga wunhpom hpung ni woi mazum galo ai 2022 ning “Upati tara sut magam rung shang” sharin shapan hpong go Mangshi ko hpo galo lai wa sai.

　　Mungdo gaba jak mu hpaga wunhpom hpung pati hpung masha, ningtau tingnyang up Din Hin Yen sharin hpong sa lom ai hta n-ga ga sa shaga u ai, mungdo mung masa bongban rapdo ningtau tingnyang up, mungdo jak mu hpaga wunhpom hpung ting- nyang up Yang Yen sharin hpong hpo hpang aju jum u ai. Mungdo ting na du sa ai sut hpaga rung gasa 70 jan ni ndai lang na sharin shaman lam sa hkam la ma ai.

　　Sharin shapan lam hta mungdo gaba lahta tsang mungchying sha tara shen rung, mungdo gaba wunli gon rung, mungdo gaba tara hpaji jo wunhpom hpung hte mungdo gaba jak mu hpaga wunhpom hpung na lak san sara ni hpe so shaga la nna, Si Gyin Hpyin a tara hte gonhkang myit masa ko shingrau, yak hkak zang mu jom dup bong, hpaga rung na gambum hkrang tara shang wunli lu lam hte lakmat tara hte htuk hko na lam ni sharin ya ma ai. (Gale ai Maji Brang Seng)