Madu dap shiga Shata 8 nhtoi 25 ya jahpot, mungdo mungchying sha gasa zuphpong gaba dinggrin salang rapdo gram galai woi hpung gaji ni (Jat gaba) zuphpong hpo nna, ginjo hte mungdo gaba nagram galai salang rapdo zuphpong atsam shana dan, magam mu galo na ladat jom dup sumru yu, gram galai magam mu galo nga ai masa lam shon shana ai madat mara la rai, mungdo mungchying sha gasa zuphpong gaba dinggrin salang rapdo na gram galai magam mu hpe shadut shadep dat, hprai hparan ton, san shagrin yu rai ma ai. Zuphpong aju jum ai go mungdo mungchying sha gasa zuphpong gaba dinggrin salang rapdo mu madu Li Jin Hon(Magui La San) re.

　　Zuphpong hta lajin dat ai, dinghkung mu madu Si Gyin Hpyin tsun ai akyak mungga atsam atsom sharin hkam la nna gram galai magam mu hpe myit tsu rai galo hkrat wa let, mung masa hte nhtan nshai hkra galo ra ai, matsun madun ai hku hkan nna, magam mu lam shagu hpe si mani rai galo nhtom, hprai dat ai magam mu hpe htep lahti rai ngut kre hkra galo ra ai. Galo ton ai nsi yi-ngam hpe shateng shagrin ya nna, galo n du ai npot nhpang mung gon ra ai, magam bungli gun hpai na atsam sharot la nna, hkying ten shachyut let, magam mu hpe lam hte lam, langai hte langai, kangka kyetshop ai hku shangut shakre hkrat wa ra ai. Gram galai magam mu hte seng ai laika ngau rai ni hpe matsing sumhting, gram lajang, makoi ting da re bungli du du galo nhtom, htomhpang de magam mu bai matut galo yang hta lang na mahkrum madup hpaji byin tai hkra ginhtip ton ra ai. Woion galo ai lam hta atsam gaba dat nna, gram galai magam mu hpe hpong shingra ja sutgan sharot zinghka hkrat wa ai hte gram galai sha- rot zinghka hkrat wa ai magam hta akyu jashon ra ai nga ai.

　　Mungdo mungchying sha gasa zup- hpong gaba dinggrin salang rapdo mu madu ningtau Wang Myin Shan, Jin Kong Yung, Chyang Yi Wui, Leng Shau Tan, chyare Nye Mau Hua re ningbo ni zuphpong sa lom ma ai. (Gale ai Lahto Brang Ja)