Madu dap shiga Mangai ta du wa sai hte maren, Mangshi Jahpang pa hta mangai mam shu lajang kyin nga ma ai. Mare ga- htong shagu na hkaimu masha ni jan mai tsom ai ten hpe shachyut nna daining na mangai lado hta shu la ai hkauna mam hpe mani sumsai myiman nsam hte lam shakang hpang wa masai hte ma- ren, shanhte gabu gara hte lam ton ai mam shalau nga ai hpe mu mada nga ai.

　　Sagon chye lu ai, daining go Mangshi Jahpang gat mare hta mam hkai ai lamu ga man yong rai yang mu mun 6.9 re, tot son yu yang mam tun mun 3.1 shu la lu na re, mangai lado shang wa ai ko nna shu hpang wa ai rai yang, shata 9 htum wa mahka de go yong shu kau lu na tai ai. Ja- hpang gat mare hta lai nna, Mangshi Funghpyin gat mare hkan na naimam mung shu hpang wa masai.

　　Mangshi hkaimu magam hkaimu gahtong na lit madu Jau Go Sin shachyan dan ai: Daining go marang loi jau htu ai majo, mam hte kaga hkai n mai ko shingtai loi sha kau ya ai nga ai.

　　Jau Go Sin tsun ai: Naimam atsom shu la na matu anhte lawu na ladat amyu myu ni hte galo shakut sa wa ga ai: Langai, hkauna mat mat, hkauna gadai n galo sha mat rai na sadi maja let, daining naimam yom htum hkau- na mu sen 5.5 lu hkai ton hkra shakut shaja sa wa ga ai; La- hkong, shingtai shingko sha kau na hpe htang maja dingyang rai, naimam malong ga lu shu la na hku galo ga ai; Masum, hkaimu masha ni hpe garum gumhpro htuk jo ai ladat sho let, myit n-gun sharot ya rai, anhte Mangshi ting rai yang garum shado gumhpro yong ri 3.739 htuk jo sai, hkaimu htinggo 57150 ni akyu hkam la lu nga ai.

　　Sagon chye lu ai, daining Mangshi hta naimam hkai ai lumu ga man mu sen 5.539 rai yang, naimam tun sen 2.234 daram lu shu la na re, mangai mam go lamu ga mu sen 4.72 hkai ai rai yang, tun sen 1.9 lu shu la na hku re.

　　Ya yang, Mangshi hta shu la ai go hkauna mam sha no rai nga ai, hkainu re naimam jahkai nkau ni go tong ya mi no la ra ai, la ai laman mung hkaimu magam dap ni tsin-yam hte shingtai shingko hkala lam htang maja dingyang rai nna, daining na naimam lo lo lu shu na matu ama hkam ya ma ai. (Gale ai Labang Bok Mai)