Madu dap shiga Shata 8 nhtoi 17 ya kon 18 ya laman, mungdo gaba rong nta hte myu ginwang do gogap mu gon dap ningtau dap up Yang Yi mungdo gaba wan tsin-yam htang wunli gon rapdo nambat 2 jep shadut hpung ni hpe woi nna anhte mungdo na laika ko matsing da nga ai mare myu makop rungdap hte mare dingsa hkan na wan tsin-yam htang maja mu jep hkom ma ai.

　　Jep shadut hpung ni go anhte mungdo nong e mu gun rapdo hpung mungdo up ningtau Jau Tung Mui shana ai “Laika buk na mying gaba ai mare myu 4, kunghpan shara 1, mare dingsa 1” na wan tsin-yam htang wunli jep shadon ai hte hkrit makran ra ai lam gram gumlai ai shana lam madat la ma ai.

　　Jep shadut hpung ni go Lengho Kyu-pau ninghton Kyu-pau mare hte Li Kin Yen a nta dingsa, Mangshi Jahpang gat mare Mang pyin mare hte Je, mau mare, Hputishi re hkan sa du jep maram hkom ma ai.

　　Jep shadut hpung ni matsun da ai, byin nga ai manghkang hpe atsom hparan, hko shabra n-gun shaja, wan tsin-yam htang wunli makop lam shaman shalik shaja, mung masha ni madu hkye la na myit nshat shaja ya rai, mung shawa yong shang lom ai wunli makop hpungtun shabyin dat ra ai nga ai. (Gale ai Maji Hkon Ra)