Madu dap shiga Ndai lahkong masum ning laman e, Nshon ginwang Husa ginwang do ni dai shara na laklai ai gahtet gatsi shadang ko hkan nna, lamu ga masa hte htuk ai tingrat si lo lo hkai ton ai majo, mung masha ni ja gumhpro tam na gahkan nnan hpo ton lu masai. Daining na shata 8 ga-ang yang go, Husa ginwang do na tum hkye ai bo tingrat si di ai aten gaja rai nhtom, gat ya hkan mung grai dut hpang wa masai.

　　Husa ginwang do na tingrat si hkai ai shara hta shi sok masha sa mu lu ai, hpun gaba atsit tsit sha re gata hta tingrat si noi abya ai hpe mu mada ai hte rau, namsi myin ai bat manam ai majo grai di sha mayu wa nga ai.

　　Sagon ai hta chye lu ai, 2022 ning hta Husa ginwang do e ting rat si hkai ai htinggo yong hpon 400 jan rai yang, hkai ai lamu ga man mu 2000 du nga ai, tot son yu yang gumhpro wan 3 jan go dut shapro lu na re, dut ai shaloi namsi hpun na asi nong hku dut, datnu shingwang hta dut re ladat lo malo hte dut hpang nhtom, namsi hkai shara lo malo mung buga gahtong ninghton shawum shaja ai ahkyak pinra ni shatai lu sai, mari lu mari sha masha ni namsi sun hta namsi sa di chyai re mung Husa ginwang do na hkaimu magam hte bu hkom magam rau rot jat shangun ai hkrang nnan rai nga ai, buga shawum shaja lam hta mung akyu grai lu jashon la sai.

　　(Gale ai Labang Bok Mai)