Madu dap shiga Ndai lapran, Lengho ginwang Mangdung gat mare ko“Si shan jongma garum shado”Nambat 5 lang jongma garum shado ai lamang Ji-an mare ko galo hpang nna, daining jong gaba sanpoi ong ai ruyak jongma ni hpe ja gumhpro lap 17500 garum ma ai.

　　Garum lamang hta tsora myit rong ai hpaga dap hte tsora myit rong ai shawa masha ni ja gumhpro gahkyin ai lamang hta shang lom ma ai, dai hta laika hpaji chye, nta dinghku ruyak ai jongma marai 10 hpe ja gumhpro garum shado ma ai. Dai ning Yinnan dakkasu jong gaba sanpoi ong ai Yang Myin Rung ning nga tsun ai, ngai garum lamang ndai sa lom nna n-gun lu ai hta n-ga, buga masha ni hpe chyeju mung grai dum ai nga ai.

　　Jongma ni a nta masha gasa Yang En Hu grai gabu nu ai, shi a gasha daining Yinnan jong sara dakkasu jong ong ai. Jongma ni hpe madi shado yang she myit mada shara nga na re nga u ai.

　　Ndai 5 ning rai wa yang， shawa masha ni jongma garum shado ai lamang galo hkrat wa ai ko na, daini du yang mare ga- htong laklai shai mat wa ai lam ni asan sha mu mada ai, jongma garum shado lamang hta mung tsora myit hte shang lom ai masha grau lo jat wa sai, jong lung nna hpaji kung yang she tinang a ngasat nga sa lam lai shai mat ai hpe shawa masha ni yong chye la sai.

　　Garum shado lamang woi ninghtan galo ai Hong Jan Hkyang garum shado lamang hta n-gun sa jo u ai.

　　Chye lu yang Sishan na garum hkrum ai jongma marai 65 rai sai.

　　(Gale ai Nhkum Ma Chin)