Madu dap shiga Ndai lapran,Sakhkung mungdo ningdo lahkong lang na De-ang hpalap laksan sara dup bong sharin hpong hpo galo lai wa sai. Mungdo gaba tsang hpalap hpaji sara hpung, mungdo pati asuya hpu-on Sung Yi Fa, Tung Hkyi Ran, Yang Yen, mungdo hkaimu magam hkaimu gahtong gon dap, mungdo buhkom rung, jak mu shi let rung hte hpungtang hpaji rung hkan na lit hkam masha ni, ginwang myu shagu na garan gon hpu-on ni, hkaimu magam hkaimu gahtong garan gon salang hte hpalap hpaji gon rung rung up, mungdo gata na hpalap hpaga rung lit hkam masha ni go “Sakhkung na hpalap magam majan jat sat shachyang dat” ngu ai ga bo ko shingrau nna, hpa- lap magam majan jat sa wa na nyan ladat ni jom bong yu ma ai. Mungdo gaba mungchying sha asuya rung mi na ningtau rung up, Yinnan mungdo gaba hpalap hpaji htinglai hpung hpung up Chin Sin Ru re ni sharin hpong sa lom ma ai.

　　Tung Hkyi Ran zuphpong lom masha ni hpe Sakhkung na hpa- lap magam lam hte manan htingwan lam shachyan dan u ai.

　　Chin Sin Ru madun shapro ai, Sakhkung ga na hpalap magam go labau na galu, npot nhpang ngang, akyu nsi dan pra nga ai, rai tim hpaga rung gaba n nga, danhkong ai mying dazik n lu, htu shachyam na atsam nau n rong re manghkang ni nga ai, ya hpang de Sakhkung ga hta hpalap hkai shalat hkrang nau n mai jat gaba ai, madung go shatang madang sharot shatso, hpalap hpaga rung ni hpe garum shado lam jat gaba, laklai lam hpe hko shabra sa wa ra ai, madu kam sham myit jat shaja dat, mying pru ai hpalap, hpalap hpun dingsa ni a akyu jai lang gaja sa wa ra ai nga ai.

　　Zuphpong hta, hkaimu magam hkaimu gahtong gon rung prat dep hpalap magam hkrang Hpu-a hpalap hpungtang hpaji sara, mungdo gaba hkaimu magam prat dep hpalap magam laksan hpaji sara hpung hpung up Lui Zhai, Yinnan mungdo gaba hkaimu hpaji dakkasu jong sara usa, mungdo gaba hkaimu magam prat dep hpa- lap magam laksan hpaji sara hpung hpung masha Shau Wan Fang, mungdo hkaimu hpungtang hpaji maram rung rung up Ho Zhin Yen, Sinna dingda hpun maling magam dakkasu jong jong sara Lan Tsi Hkyen,Yinnan mungdo gaba hkaimu hpaji dakkasu jong hpalap hpaji jong ningtau jong up Li Kya Hua, mungdo gaba hpalap magam htinglai hpung ningtau hpung up, mungdo gaba prat dep hkaimu magam hpalap hpaji sara hpung hpung masha Si Ya Ho re ni sengang hpaji lam hte seng nna ga sa shaga ma ai. (Gale ai Maji Brang Seng)