Zoshang layuq ku qo gvat be mai gi yvum layvum ma igvun kau ma wuizui agum lo shoq e gibu mu yvang ngvut le. Asu awang nopyo hai tunghui zhang layvum e yvang wo jop jo lo le, akui nganvung mingdan ma hihi mai awang nopyo adap ra midvu wo fang gam ge e logidat paqzhvi zhoq bum lo be, danggve aizi ana no、muiduq ana no、igvan ga singno xibve ri gi hihi mai yvang wo fang gam le. Inu iwa su no xibve bo zhang zoshang aku qo shi mai chirung ma e ya zhang wangwang zanzan za zoshang wo ku toq lo le, za gam ge zhang zoshang gung ma adat dap lo.

　　Inu gung mai zoshang ri no dat dvap byi le ga xigi aku qo gvat shi e zoshang inu ung ma lung dvo ashi kun, angvut zhang ku qo gvat e kun inu e sui mai zang lvoq dvap 、ku qo tang ma inu nau shuq lui inu eq lazhung za no zang lvoq dvap lo e xibve ri ga le. Aizi ana no、muiduq ana no、igvan ga singno xibve gi inu ung ma lung dvo ashi kun mai yvang zoshang ri dat dvap byi le, zo- shang ri no xibve su zang lvoq dvap byi zhang qiloq ipyo dat ten, angvut mu gi labyvat yvang awo ya ge dat dut lui zoshang eq yvumkau igvun ma mirop mo hui e su yvang wuiyak dik le .

　　Akui pyang chigai noya paqzhvi zhe ri zhe gvung lo be mizho, nga- nvung mingdan ma ri zoshang aku qo shi mai ana no xibve wo fang gam ra paqzhvi zhoq lo be, inu su zoshang wun dvo kun 、ku qo e kun eq ku qo tang ma chi sira daijvo e dong za lago dat fang gam ge zhang, wangwang zanzan zhvoizhvoi za zo- shang wo ku toq lo le.

　　Haumu myiyu langdoq aqing zhe be myiwe yuqge wui zoshang o ra hi ma chirung ma e mu, lagung e hai no bo abo e hi lago yvang e zhepwu ra dut le. Laqma zoshang wun be ngvutzhang 1qap mai 3qap jiro ma aizi ana no、muiduq ana no、igvan ga singno xibve bo abo e raurau yvang e zhepwu ra dut le, gungwun inu su hai ara gvilvang zoshang yvangwa eq laha nyi lvum zhang anqen tau ga noijot zvung chung ra dut le. Hauzhang sheq zoshang ku qo nam zhe shoq hai ana ri adat zang lvoq dvap lvum.Iwa e gungdu wangzan qo ri zoshang hi ma zhaq aqak dik le.

　　Haumu myihang ra hi ma angvut zhang zoshang o ra hi ma iwa wui ri chirung ma e lui aizi ana no、muiduq ana no、yigvan ga singno xibve bo abo e lago yvang e zhepwu ra dut le. Byu lawam gi no xipo su zheptoq lo zhang subve eq wu myvuq ra juq lui a e wam zhep bang bo le, lawam dum ngvutzhang ngonving azho ala gvut anyi 、sansan shoqshoq za la nyi le haino ri adat bo ga myit lui a e gvam zhep bang ri bo le. Aasu no xibve sanghi dap lo kun gi gung ma no te ri awo jo, abun nvung ma kima e zang dvap lo ri ase dat dut le. Laqma su no xibve zang lvoq dvap lo be mai gi yvumbyu wui eq yvumsing gung ma ka u ase juq wam ra zhang yvang bo dvo be,haumu hai myitmyo no amu e adut zhe shi mai yvang chirung ma lago go e zhepwu mu, laqma su bo dvo zhang raurau ya ge byvam ra dut le. Gungwun inu wui su no xibve bo e myang zheptoq lo zhang, chi sira bve hihi mai yvang zoshang gung ma adap lo ra dong dat ya ge byi le. Haumai zoshang yvangwa ri re lago yvang e zhepwu nvang ra dut le. Akui nganvung mingdan ma aizi ana 、muiduq ana、igvan ga singno xibve ya ge byi qo eq fang gam qo ma hai apau ayu e tungzam ge bo le, xi mizho nganvung kayuq ngvut gvilvang zo- shang o ra hi ma yvumsing gungdu wang awang zan e hi lago go e zhepwu mu, wangzan jetlok za zoshang chom ku toq shang.

　　Zoshang e wangzan qo 、yvumkau igvun nguingon qo 、shingra ngonding rapra qo, aizi ana 、muiduq ana 、igvan ga singno xibve fang gam qo ma gi shingra gom ma mingbyu wui byudu yuqzhup wum o bi gvat e ra dut le.

　　Sakung mau myiwe zoshang noya rung

　　Puqsu Miran Maroi