Wap ma lusik Dang e 20 da zup⁃ pong mai“Cangpun mili gi byumyu nyiyap qo ma e bvunwang ngvut le, nganvung mili yoq chang ra dut le. Bumnyui langjing qo gi ngunbum hingbum ngvut le ngvu e qo tantan chang, byu eq mili rapra qo myvang mai zuisai ra le”ga daitoq e ri Mangshi gan⁃ bu mingbyu wui zhaq chom dai qeon yan bum agvo. Mangshi cangpun mili bvunwang mu⁃ gon rungwap mudve zau Yi Qijang dai ri： Cangpun mili bvunwang mugon rungwap mai lo dai ri, ngamoq Dang e 20 da zup⁃ pong zhvum imyit adui chang, yvumsing wunmu lago wunzui e lo, mingdan maumyi chung qo lago henzui, yotung yogoq migum ge gvut nyuizhvoi muzo bvunwang cuqging, byu eq cangpun mili rapra muzo banban zuisai e lo ra ngvut le ga. Mangshi wui mugon rungwap Dang⁃ pung shuji rungwap upzau Lang Ailen dai ri：Ngamoq zhvoiyung Zhunggo muzo zuisai wang lo, bum、wuilang、sikyo、wuinvong bve migum muzo eq gonzui muzo laqom za gvut zuisai wang lo, Ruili jang wuilang、 Dva Yinjang wuilang sai shireng dvoq mu⁃ zo henzui, Mangshi Udvong nvong Manjuq wuidving nvong、Mangshi dvahe wuilang myuqkau dvum、Mangshi myuqkau ma e wuilang wuihong sai shireng dvoq muzo zuisai gvut nganvung Mangshi zhezhvoi zheyung shoq zuisai e lo ra ga. Dang e 20 da zuppong ma e shitjvo muzo ma dai ri,“Dusat dumyen、mvanzo poqzo kumzup e mili muzo ganzvang zuidoq ra le, mili migum muzo eq saizui shireng muzo lawan wan zuisai e lo, dusat dumyen、sikzo mvanzo、wuilang wuinvong zhoqging muzo zuisai, Changjang lang ma ngozo 10 zan ayu muzo zuisai, yotung ma howa lahu banshu zhang lahu dum coqho tunglai saizui kumzup, gaming gamau mai zhiten zhung dusat wanglo ra ri tangzui ge” gvut ra le ga. Mangshi sikmvan mugon rungwap Dangpung suwun mudve zau Yin Goqshau dai ri：Sikmvan mugon rungwap mai lo dai ri, ngamoq sikzo mvanzo gonzui tunglai ajvu toq shoq wunzui ra ngvut le,“Mingdan maumyi nyuizhvoi muzo、zhimu zuisai mu⁃ zo、sikzo mvanzo migum muzo、gvinva mau⁃ myi migum muzo、yoso dusat migum muzo、 sikyo myuq kau sikyo wakau zuisai muzo、 sikyo logidat zhimu zuisai muzo、sikyo kuq⁃ lai muzo、sikyo dvira upkang muzo”bve 10 qo mai wumgvat zuisai e lo, Mangshi sikzo mvanzo muzo ganzvang myvang mai zuisai e lo ra ngvut le ga. Mangshi Fuishi yeqhu myuq ri migum qam mugon rungwap kat lvingwu suwun Li Myinxen dai ri：Xi Jinpyin zung shuji Dang e 20 da zuppong ma e shitjvo muzo ma,“Dusat dumyen、mvanzo poqzo kumzup qo”dum daitoq dvo be, azhung zhung e dusat dumyen、mvanzo poqzo ri migum qo gi ngamoq e wunmu ngvut le. Mangshi Fuishi yeqhu myuq ri migum qam ma e amu zhepwu migum muzui su layuq mai lo dai ri, yoso dusat、mvanzo poqzo ri migum mu eq chang wu nyi ra wunmu wun⁃ dvo le, yvumsing bo e wum-o eq dusat nyi zhiwo ri wo migum, mili ringzhat qo ma wum-o wo bo gvattoq ra ri lumzhing le ga. Dang e 20 da zuppong ma e shitjvo muzo ma dai ri, mili lvoqjvoi mu ri nik mai tangzui wanglo, mausoq myisoq sanzhvoi、 izhvam jingzhvoi mu coqcoq zuisai wanglo, soqjvoi wuijvoi ri tangzui mu wodut lo shoq zuisai, myigung lvoqjvoi mu ri awang mai tangzui mu saizui ging, mili situq bvunwang muzo ganzvang zuidoq, mauwa nyingon mili zuisai wanglo gvut ra le. Soqjvoi lvoqtoq mu atung tung gvut gam lui zuige, cangpun zewang muzo nik mai zui⁃ sai wanglo, cangpun zewang musik lawan wan henzui elo, minggvan ma e mausoq zhepzui gonzui muzo ma bolom gvut ra le ga. Mangshi mili migum, rungwap zhimu byu Rau Yenjun dai ri：ngamoq mili migum rungwap mai lo dai ri, Dang wap⁃ doq mai shuion qo chang, asuya mai shui zui qo chang, rungwap mai chang wu nyi, sutho seng bang gonzui, mingbyu banshoq bang bolom e zuisai qo chang ra le, awang mai、zui lo e kau mai lvoqjvoi mu ri zhep⁃ zui, myangmyang zuisai jolo ra tunglai cuq⁃ toq, mili migum situq bvunwang muzo saizui ging, soqjvoi lvoqtoq e sanseng mu shuizui wanglo gvut ra ngvut le ga.