1、Xigi nganvung e nyiwang, bum ri zhoq, wui ri yui, xigi nganvung e yvumyo, gauwap yvum ri zhoq, gauqang yo ri zhoq le, nganvung layuq laloq ga zhang, ka-i e wum-o ri wo bo lo le, nganvung banshoq bang, yomu mau ma yvumyo lvoqzhvoi mu ma bilom lui, nganvung e yvumyo chom shireng shang.

　　Wakau shireng qo ma, yuqkang wum gvat ra le!

　　2、Loq chizhvoi ra paqzhvi zo：Langbau pong lui 2loq e sopchi gvat e mai, sabya dum but mu zvumyup toq shoq sopchi, shaudik gi nayi 10myau gvo ma loqnyvui、loqsing、loqwa、loqgoq toq sopchi ra le, xi-u gi izhvam ka pong shi, ban sopchi mai sheq izhvam eq zhvoi shoq dum chisan mu, zhvoi za shujin eq mausau eq suthui le, loq suthui tang ma gi langbau ma age zang loq.

　　3、Bumyung wuijeng gi, wui chom shenchung lvum, yomu mai shenchung, zhakmu mai shenchung lui wodut e ngvut le. Mingdan ma wui shenchung muzo ma chom bilom, wui shenchung e shira zuisai qo chom bilom lui, wui shenchung, wui migum qo myitwum chom gvat shang.

　　4、 Mingdan gom ma lvomo laqap la- yvum mai mausau latup shauchung zhang, lazan sik 930mun gam wo shautuq le, laisoq ma puilvau ri 370mun dun wo zhvup byvam le, ze shenchung qo gi lazvui lazo mai yvang zui wang lo ra le.

　　5、Zang bvongzo lui, zangsun zang nyvam gvat byi lvum zhang, nobau hai dap lvum ra zhang zhe bo le, zangsun zang nyvam gvat yu ra koize eq gotzhvo goidvu gvut chung mu chom zo lvum zhang zhe wo sanseng le, zangsun zang nyvam gvat yu mu chomzo lvum ri gi, shidaq kungga paudvap lvum e ri ngvut le.

　　6、 Labo zi ma zang chombvong zo le gi, nganvung e tungking ngvut le, asu e layuq lada e nyvam lvum, yvumsing koize eq subve ri zangsun nyvam gvat byi zhang, abun ma ana hai zang dvoqlvum zhang ri zhaq bo le, ana xibve azang dvaplvum ra midvu, zangsun nyvam gvat yu ra koize goidvu lazum dvo chung mu chom nyvam gvat zo ri ge le, moq ma ri ge, yvum ma ri ge, koq got koize o ri o gvut dvo shang, xigi ana gam ge ra laqo be. Su ri kungga, ana wogam ra midvu, zangsun nyvam gvat yu ra koize goidvu gvut dvo chung shang. (Puqsu Pauyam Lazhoi)