Sakung mau gi Yinnan ming gu ma ngvoqhu labang zhup lai bum e qokum ri ngvut ma gi, ngvoqzhvit ngvoqzo bve joqmyo lo nyilai e shira ri ngvut le, akui gi ngvoqhu labang zhup zupzing lo yam ri zhe lo be, aqak gi ngvoqzo bve ri zhe wo migum yu ra midvu, lvomo 11qap 10nyi myintang ri, Sakung mau sikyo mvanyo gon lazhang rung bang zuppong pong lui, ngvoqzhvit ngvoqzo bve ri migum ge ra loqmu chom pyehui lvum agvo.

　　Zuppong ma, mau sikyo mvanyo gon lazhang rung dusat migum wap bang gi Sakung mau ma dusat migum muzo shitjvo agvo, zuppong bilom e rungwap kangmo bang ri jvoshu yoq eq joqmyo wang lo u, nganvung mau shut zing bum lo e ngvoqzhvit ngvoqzo bve ri kisu lvom chom migum ra qo zhaq chom daitoq lvum agvo. Yvangmoq dai gvo ri, rungwap kangmo mai myitwum chomgvat、paqzhvi chom toq lui, nganvung mau ma zupzing lo mu joqmyo lo lai e ngvoqhu labang zhup ri lago chom migum yu shang, ngvoqzo bve ri wo migum ge zhang gi nganvung e yvumyo ri zhe zhvoiyung ra ngvut le ga.

　　Zuppong ma dai gvo ri, shingra gom ma shiwa pung ri ge, mingbyu wui ri ge, ngvoq- zhvit ngvoqzo bve ri migum muzo xi ma chom bilom lui, nganvung Sakung mau zhe zhvoi zhe yung lo ra midvu wum-o chom gvat shang ga. (Puqsu Pauyam Lazhoi)