Yvumsing wap lusik Lvomo 11qap 20nyi ri, Sakung mau eq Yinjang ginwang mai Nongzhang myuqwa ma zoshuq ze zoshut zomui e amu toq zhang kisu piran ra loqmu shui byvaqzui agvo. Isu e loqmu shuizui zhvam e lazhvum ngvutzhang, likdik ma zoshuq ze zomui zo- shut e mu toq lo zhang, rungwap kangmo mai byinhui loqcoq gvut zhe wo chom pyaige ra midvu ngvut le.

　　Sakung mau dang wapdoq zhvungzui suwun pung nvikbo, mau up mudve zau Wangwui、mau eq Yinjang ginwang seng- ang e rungwap ma e gungtai bve ri loqmu xi zuizhvam e le chomwu agvo.

　　Xida le loqmu gi Sakung mau asuya zoshuq ze migum wap mai zhvungzui lui, Yinjvang ginwang asuya zoshuq ze migum wap eq Nongzhang myuqwa mai wumgvat mu chom pongzui e ngvut le, haumai Yinjvang ginwang gaizhang gon wap, Nongzhang myuqwa asuya, ginwang sanseng mugon rung bve mai ri loqzo xi ma bilom agvo.

　　Loqmu xi zuizhvam gvo e kun ngvutzhang, loqmu shuion wap, byuqi wap, muzo migu wap, loqmu zhepcho wap bve loqmu pyaizui wap 9wap yvang cuq dvo agvo. Yvangmoq chom byvaqzui gvo e loqzo gi xidong ngvut ra, sanghi ma Nongzhang myuqwa asuya ma e zhimu zui byu 76yuq, shiwa zangzo zhang ma zang e chomzo lvum e tang ma, byudu 35yuq sheq zoshuq ze zo- shut lui uwun wun lo, nviklvum puq lo, wamdau no lo mu ginwang chirung ma e chom wu e dong gvut mvau agvo. Hamai gi, shuion wap mai kisu gvut pyaizui ra mu shuipye, zangzo zhang eq zangsun zangtang ma zhepwu, chirung mai nobyu chom qi gvut byvaqzui lo bigvo. Byvaqzui lo e loqzo ri, rungwap kangmo, byudu yuqzhup o zui ra mu o lago hapzui gvut azo ngam yvang wo zuige agvo.

　　Xida isu gvut shui byvaqzui gvo e mai, zvang kangmo, rungwap kangmo ma e bang, byinpye lvohut hui, loq lago coqge mu eq, isu e amu toq zhang anung gvun e azo ngam gvut chom piran ra wum-o ri zhe bo bigvo.(Puqsu Pauyam Lazhoi)