Noru nobau ga e gi dvap lawan, pat le wamshun le dut e likdik wam langkoi no e no⁃ bau ri ga le. Noru nobau gi kadong dvap lvum le? Kadong gam ra? Nganvung a-o ma chomwu wu shang. Noru nobau gi alui ngvut ra Noru nobau gi ashau dvap lawan e lazhung nobau ngvut ra, midung gi lawo za ma izhit qisho chom gvut e qitong mai, no su e qi-i angvut zhang pattoq lo e ze ma soq mai, angvut zhang ban lvoqjvoi gu e zoze、izhvam hai zang zolvung shuqhang yu mu nobau doq lo e ngvut le. Nobau xizhung zhaq dvap la⁃ wan ra, diqa gi zhong、zoshang zhong、mangzo kubau wap、zhakrung bve byu myozing zhang ma zhe dat dvaplvum le. Noru nobau gi la⁃ zan tung roq lvang dat zhoq nyi le, lvomo 10qap mai tangzan le lvomo 3qap zhe gi noru nobau myo toq e aqing yamyoq ngvut ra. Haumu, no xizhung zhaq dat dap lui le, nganvung ori lago sidiq yu shang, layuq za gungdu ma nobau xizhung eq gazhung nobau adam dam dat dap le. Noru nobau dap zhang kasu dat dut le Noru nobau qipam no gamyvo alai zhang yishi lvaq dut le gi, pat、wamshun dat dut le, ximai lai lui nviklvum lvu、wamno、 ulvum no、gungnye、wamdau ngam、shoji showang ke no hai dat dut le. Noru nobau qipam no gi aqing amyang, myopyang gi no e tang 2nyi mai 3nyi gvo zhang ge be. Asu e, zonu、 mangzo, diqa gi gazhung no bo e mangzo bve, noru nobau qipam no mai qishang she e lvang dat bo le, xisu bang gi chirung hanhan e ra dut le. Noru nobau kadong gam ra Noru nobau gam chi akui gi awo saitoq dvo shi gvo, yvumsing gung sanseng、zoze sanseng、izhvam shuq ri sanseng gvut zhe zhang gi aqak no gam e yvang ngvut be. Loq chi jvet man、wuizhum ashuq gvut man mai lai lui, zhum gu zoze eq nyoq gu zoze lago gamkoq ge ra le, hau angvut zhang shidaq nobau dat dvoqlvum le, shicham、sunnyui hai zo ri lago chizhvoi ra le, wui ma e zoze lahoi hai zo zhang lago zezhvoi zhvoqnyvoq mu zo ra le. (Puqsu Mulat)