Muigo Hafu dvanmo zhong mai samlik toq shit dvo gvo ri, pyik gu zangsun zo zhang Aizhin no、 nviklvum no、qungdong no hai mai byu gvang tum byuq ra qo wo lvoq shau yu le, pyikzhum yishi zo zhang gi Ⅱ xin ishi chui no bo ra qo wo lvoq shau yu le ga. Samlik pung mai dut lai lo e Aizhin no、nviklvum no、unuq no ri abo wu gu asak 30~79zan e myiwe yuqge 4.87mun yuq ri samlik wu gvo ri, zangsun ma shipyik lama lazvui za gvat zo gvolvang, pyikze gungdu ma yishi zolvung nyi zhang atoq ma daidvo e no haubve dat shau byuq le. Samlik byu dum myang zoktoq dvo gvo gi, pyik jvuq eq pyikzhum zo e mai dvu gvat zhang, pyik⁃ zhum zo zhang Ⅱ xin ishi chui no bo ra qo zhe wo shau byuq le ga. Samlik byu dai ri, pyikzhum gi pyikjvuq toq ma wumman ze zhe myo le, haumu pyikgu zangsun myo zo nau bang gi pyikzhum zo ri zhe ge le, pyik⁃ zhum zo zhang ishi chui no za wo gam le angvut, zoshuq mai gadvu azhung zhung no ri lvang wo gam yu le ga. (Puqsu Mulat)