Nganvung mingdan akui u minggvan gom ma e bang eq lazhung za, Xinxing gonzhong byinduq ga e zvut nowum ri zhaq lvom qik bum le. Nganvung mingdan gunzhvung wapdoq mai ozvang wakau zhe atoq ao imyit lakat za, toq Dang wapdoq mai nvutngvop ra ngvop shang ga zhang, yuqzhup nvutngvop ra ngvop. Byuzing moqpung apung shang ga zhang, ori gaiwang shau e, kingbvoi atoq gvut yan bum be. Nowum lvom byvam qo ga zhang, mingdan gom ma e myuqkau byu zing zhang、lam gvun zhang、byu nyi yvum、bingdoq wap、rung yvum kumdong kangmo eq maudang、myita、wuilvai、modo e lo nowo gvut zhang bve ma zuqzuq lvom zhep ge e mai lai lui, yvummau wakau toq wang wun e lumshang qokum bve ma ri gingging chom lvom yan bum be. Akui ximai ngo mau⁃ gom bumbum bvabva ma e auzo numnang、gumang nvikdvang wui ri daibvun jvo gvat nau le gi: Nganvung e gungdu wangzan zhang nowum awang lui, banshoq bang sanseng lago gvut, nvutngvop teptep ngvop, byu myo zhang ka shau e, no⁃ gam chi bi tau, nyi ri zangwui lago gaizo, myin ri yvupmau anyi shuq gvut ori o gungdu nyi wangzan shang, akun zhang nganvung e gungdu wumlai luq mu nowum awang lui dut le. (Gvasu: Goq Mutuq )