Xingon noduq mai pyeqtoq lo e“Deerta” noduq xigi 2020zan lvomo 10qap ri Yindu ma hi daitoq lo gvo ngvut le, 2021zan lvomo 5qap 11nyi mai gi mingvan chiya nogon pung mai“Chom gam ge ra dut e noduq sik ngvut ra”ga ma lvom hang gvat bigvo. Minggvan chi⁃ ya nogon pung mai xi joro dai gvo ri noduq pyeq xigi akui jo myidam toq ma zhe myo zhoq myin lo e noduq sik mo dut nyi be, akui u 96lvum mingdan eq zhowo bve ma zhoq myin zhe be ga puqyan bum bigvo. Xingon noduq mai pyeqtoq lo e Deerta noduq ri nganvung kasu gvut chom lvom lvum ra？Ao ma chomwu wu shang. Noduq gi haizhung noduq ri dat pyeq lo le, xingon zvutmun noduq ri aqing myang lo zhang gi azhungzhung e noduq gvut dat pyeq lo le, pyeq byvam lo e noduq xibve hi le noduq bve eq gi“Gunva”dong ngvut le. Pyeq lo noduq xibve myopyang gi diqa noduq ri langjvo e abo, ngvut gvilvang lazhung zhung gi wo langjvo zhang ri bo le, danggve noduq myin lawan、ali no zhelai、ali nogam chi bve ri lvoq pyoq e bo le. Xingon zvutmun nowum toq tang mai, minggvan chiya nogon pung bang bve gi xin⁃ gon noduq pyeq toq lo qo chang zhep wu lo bigvo, diqa gvut pyeq lo e noduq bve ri zhe gi lago yvang chang zhep wu lo bigvo. Akui minggvan chiya nogon pung mai lago yvang chang zhep wu nyi ra dut le ga doqdan dvo gvo e gi：Aerfa、Buita、Jama eq Deerta ga e noduq pyeq xi 4zhung ngvut ra, yvangmoq gi dvoqlvum lawan、no wang lawan、no tu lui、ali no gam chi eq noya chi bve ri lvoqpyoq zhiten e noduq ngvut le, ali no myidam toq ma zhe wo lvoqmyvin su ri ngvut le, hau mi⁃ zho chiya nogai rungwap bve ri wo sidiq zhe nvang be. Akui u le ali no eq sengang pyedvu bang mai lo wu gvat zhang, Deerta noduq gi Xingon noduq mai pyeq toq lo e gu ma zhetu e noduq dut dvo be. Noduq pyeq xi zvomra mingdan ma misha she hang lo nyi be, xi-u Yingo、Muigo、Oloqsi、Xinjapo bve mingdan mai shittoq lo gvo e nosik gi banban xizhung no mai pyeq bum lo e noduq zhvat be, nganvung mingdan Zhejang、Chungqin eq Gongxi bve mai ri noduq pyeq xi shittoq lo e bo wu be, xi hi ma Gongzhu、Shenzhen、Dunggon zhowo bve ma ori myo puq e ali no ri xizhung noduq mai pyeq toq lo e no be. Deerta ga e noduq gi a o ma daidvo e zongsam dong dut ra： (1）Dvoq lvum lawan dik be. Ouzhu CDC bang daitoq lo gvo ri Deerta ga noduq xigi hi ri Yingo minggdan bang shittoq lo gvo e Aerfa ga noduq toq dvoqlvum lawan le gi 40% mai 60% ma zhat lvai ra. Xidam Gong⁃ zhu ma ali no toq kun noduq pyeq xizhung mai gi buinyi 10nyi joro ma nobyu 5cik ri wo dvoq byi zhe ra, no ladam dvoqmyvin gvat le jvolvum aqing eq nobyu gung ma haqlung dvo le aqing ri dvot dik be, haumu yvang e nodvoq aqing gi lawan dik ra ngvu ge dai ra; (2）Noduq nobau zo myo ra. Deerta ga noduq doq be nobyu gung ma gi nobau zo zhe myo le, haumu yvangmoq gung mai lvoqmyvin toq gvat le noduq gi zhaq zhe myo le, asumu yvangmoq eq hui zhvanglvum byu gi nodoq lui ra bang dut byuq be； (3）No dut nowang ra e yom qo abo. Deerta ga noduq gi nodvoq myvin e myolvuq lo gvilvang nowang wum-o gi ayom zvik, noduq xi doq be nobyu gu ma notu byu eq nolai byu gi 15% zhat zhe le. Noduq xizhung gi ayang pyeq jo lo nyi gvilvang lum uqi lvum no amu, yvang“Kamyvo puq puqlvik lo gvilvang yvang e bvunwang eq awo gang, haumu nganvung anum chung nyi e shira sanseng paqzhvi eq ali no gam chi za chung nyi zhang nodvoq wang gi wo dat lvom pyit byvam le. Mingdan ali no gam muzui zhang mai xi joro zvang dai dvo le gi, Deerta ga noduq dvoq myvin wum o kamyvo tan ngvut gvi lvang nganvung mingdan mai akui shui chung nyi e azhung zhung e shira sanseng paqzhvi eq yvumsing gung gamlvom paqzhvi za lago ra chung ge zhang gi wo lvom byvam ra ngvut le. Xingon zvutmun no eq gadvu ali no lago wolvom byvam ra midvu, o ngvut gvilvang kakun ri loqchi jvet man、nvut ngvop ngvop man、lai pong hang man、shiwa koizve chung man、shidaq shau sohui lvum、qungzvau no bve lago sidiq man shang, haumai yvumsing gung yvumsing gamlvom ge imyit eq wangzan yuqyo qo ri lago sidiq man shang ga. Hi ri Zhung Nanshan yensi Gongzhu ma toq e ali no gamlvom qo ma mulik zhilik sonzving jvo kun dai toq lo ri byumoq chom zung chomlvom paqzhvi tantan chom chung nyi mai lailui, ali no gam chi ri lawan wan tau wang lo ra dut ashi, byumoq ali no gam chi tau mu xiri myoqhi dve ma mu gvut yvang zui lo ra dut ra. Chungzhvam lo e mai wu gvat zhang, mingdan kau mai myo chung nyi le ali no gam chi 3zhung gi Deerta ga noduq gamlvom qo ma ajvu bo nyi ra. Gong⁃ dung ming mai zhepwu nyi e noduq dapbyu eq noduq dap byu ri gon bang gung ma ali no gam chi tau e sakse ma myang ri, ali no gam chi 2ap zang tau wu bang gi no dap ra gam wum o 60% gvo bo ra, zvutmun no gam wum o gi 80% gvo bo ra，notu nolai gvut lvikdut lo e zhe awo bo ga. Hau mizho akui laigva xilong myang ngvap jo bang gi ali no gam chi age tau e zhi⁃ no za abo su gi, xingon ali no gam chi azang tau shi bang han e tau ra gvut shang o！ Yinnan ali no gam wap (Puqsu Doqshi Labau)