1. Loqchi jvet ra dut le. Loq jvoi eq jinjin chi ra dut le; Zanggai ra hi ma 、zangzo ra hi ma, qisho izhit ra hima, mangzo zo shang eq nobyu ri gon ra hi ma 、 nvut nvo myoqzhi ma sopra hi bve ma loqchi angvut zhang loq ma baumvui sat ra dut le; Yilam toq lui yvum dvau lo tang ma, nobyu ri gon wu tang ma, qung zvau zvau angvut zhang acho cho tang ma 、 sanseng gvut tang ma, zebyvang zebyvam tang ma 、 qisho izhit tang ma 、de le byi gvo ze yuzui tang ma 、 Denti tauzhi wu angvut zhang kum loqzui zhang bve shiwa kingze ma zangzui wu tang ma loqchi angvut zhang loq ma baumvui sat ra dut le. 2. Zhoang dong nvut ngvop ngvop ra dut le. Gungnye qung zvau zvau e kun, no ya e kun, zhvinzhvap lvum kun, denti zhi kun, shiwa modo zhi kun, byu zing e shiwa nyigvun zhang ma e kun nvutngvop ngvop ra dut le. 3. Qungzvau zvau zhang dat sidiq ge ra dut le. Qungzvau zvau acho cho kun mausau long eq nvut nvo ma ngvop ra dut le, mausau long awo zhang gi loqgoi eq ngvop ra dut le, mausau long gi londu age du myvin. 4. Byumoq shauzing ra dut le. Ali no toq dvo u byu zing shauzing, zangbvong shau bvongzo ra dut le, buinum byinchang shau so hui lvum ra dut le, mu bo king shau e ra dut le, a e age za adut dvo zhang gi byumoq zing zhang ma a e gvut ra dut le. 5. Shuq yu lui zangzo man ra dut le. Koq got koizve achung bvonglvum, shiwa zangsun nyvam koizve gvat chung, izhau ri i age dvikhuq, sunzang gam mu zoman ra dut le, zangbvong bvongzo kun gi yvumsing e koqgot koizve hen chung man ra dut le. 6. Shidaq 1myi jvo lvum man ra dut le. Yapzap zap lvum kun 、ze wuiung lvum kun 、bviming ming lvum kun 、 gungbyvam byvam e kun 、wu gvun zhung bo kat wu gvun kun 1myi atoq pyang jvan lvum ra dut le. 7. Lai anum ponghang ra dut le. Yvum ma byu zing kun, yvumkau ma gadvu shom nam 、cu nam e kun, nobyu nyi kun, angvut zhang le lo e buinum lo byuq tang ma kihot dong pong lui lai ponghang ra dut le. 8. Sanseng baumvui sat gvut zhe ra dut le. Yiyo ma yvumkau sanseng gvut man ra dut le, dvojem dvo zoze gvat dvo ze eq dunnai ge gu myen zebyvam kun, angvut zhang nobyu ri le wu bang eq nobyu chung e ze bve zebyvam kun baumvui lawan wan sat byvam ra dut le. 9. Qitong sansan shum man ra dut le. Qitong shumseng jvet ra dut le, matung ma wui byvungchi ra hi ma amyvi myvi ra dut le, kihot dong anum pong angvut zhang laihik shap anum pong ra dut le, soqcau donggoi bve ma wui anum bo nvang dvo ra dut le. 10. Wangzan nyiyap yoq chang man ra dut le. Gungbyvan anum byvan gvun, yvup dvoq qinggan dvokdvok gvut zhe man, jiji yvupman, imyit sansan myit man, zoshuq sidiq ge man, nyvadon ipe gveshuq man, no lo su ga kun gi chirung ma lawan wan e ya ra dut le. 11. Ali no gam chi tau ra dut le. Mingdan mai xingon ali no gam chi shui tau lo gvo bve jinjin botau mai lailui, yvumsing gungdu wangzan qo ri magum ge ra dut le. (Puqsu Doqshi Labau)