Mauwo yam ri gi mausoq ka⁃ dong ngvut e anum yvang wu nyi ra dut le, tebyvo datwup wuixin wuibo xibve ma ri anum wu nyi ra dut le, angvut zhang yvumsing zhvinvan ma mausoq byvojvo ze gvat dvo lui anum wu nyi ra dut le. Miyu ma gvangqi gungdvap ze ri wunwun ra le, wuiwum wum lo zhang myvang zhang shut rau⁃ rau din doq ra le. Mauwo qozhvut zhang jveptep age zvung, adat jut jo lo gu qizvung zvung ra le.Wuikau mai solai ra dut zhang zhe hi ma su wayang eq nik anik e hi tau wu mu so ra le, hau⁃ zhang sheq wuikau ma akung akop e ka wozhang byvam le. Zhe sidiq ra le gi wui pyidum zhe be mai, hishut lazvui lvang age so loq, myvang gu zhang ma raurau doq lui gvang qi byu bve ri zhvinvan rau ho bat byi ra dut le. Laqma su zhvinvan arot zhang gazhung paqzhvi rau ho toq ra dut le, myoqzham eq tuq gvat wu, nvutmut mut myving gvat gvut ra dut le, shingshing nyui gu zamzam ne gu mebu bve langlvong shit ri ge gvut le. Wuizhe zhe lo kun wuikau ma zang lengwang haimu zhang, ajuq adan e za soqzhan zhan dvo nvo ma myvikzing dvo mu, dvoq yap zhvam wu ra dut le; Laqma wui lvumnik mu awo dvoq yap, wuilang yam shut dum awo li lo zhang, wuikau ma myu bum e hai ze ma ri e bvozing dvo ra dut le; Laqma su wuikau shut leng⁃ wang lo e byu myo zhang, shidaq loqcoq coq lvum mu lui za awo myu lo ra dong chom langzing lvum ra dut le. Wuizhe zhe lo kun nang su modo kau ma nyi dvo e ngvut zhang raurau yvang pangtoq lo ra dut le, za angvut zhang wuizhe modo kum zhe be mai gi, modo kum awo pong loq dat dut le. Mo⁃ do kau ma ri izhvam yuiwang zhang sheq, modo kum lawo pong alo, laqma su modo kum ka⁃ su pong ri awo pong zhang, kum ma myoqzham batqop byvam lui raurau do toq lo ra dut le. Modo hi ma myoqzham gi lui za awo batqop, haumu modo kau ma myoqzham batqop ra batdu zo anum yvang gvat dvo ra le. Xi mi⁃ zho yvumsing gung yvumsing dat qiyu ra ngvut zhang gi, miyu ma wuiwum myibyoq gam paqzhvi la⁃ go go mvoqse dvo lui, haisu wui⁃ wum wuizhe hui gvilvang ajuq adan lawo gvut zhe le.