Layang nun gi dat lvoq zhiten myo e wum mirop lazhung ngvut le, layang nun be mai gi isut ngunze za zang sum le angvut, damdap myoqbyuq byu lvang dat myo le. Layang nun zhang yvumsing gung qi ra paqzhvi zo se dvo shang. Layang nun zhang kadong pang ra? A-o ma chom wuwu shang: 1. Zhoze ging gu e igvun ze a-o ka pang gop aq. Layang gvo zhang gi nayi laminit gvo nun le. Xi-u zhowo gau gu zhang、 ging gu e zhoze a-o ka pang gop dvo lui, zhoze qi ma gingging bvozing dvo aq. Gop zhang azhoq gu zhowo ma ang zhang gi, nyvom ze hai zhoq dvo zhang hai eq ulvum ma hi lago hung ge aq. 2. Layang nun e kun myiwang myvi byvam, myi duq hanhan sat byvam aq. Layang nun e kun, myiwang myvi、myisat ge zhang layang wum mirop mai isut ngunze wo shau lvoq sum le. Myiwang myvi zhang 3dam bo le, sanghi dam gi layang sanghi nun lo gamyvo awo nun shi kun, 2dam gi layang nun num gvat e kun, 3dam gi myidap tang ma, myidap lo ngvut gvolvang, nayi 1-2minit jiro gi myi wo sat ashi. 3.Ahan aqut gvut yvumkun welam shut age din toq. Layang nun tang ma, ahan aqut gvut yvumbvan shut din⁃ toq zhang, myoqzham zhap、yvumkung toq ma walong、laigva gvashit long hai byitjo lo hai mu byu ri lo dat zang bat ra qo zhaq son ra le. Haumai, byvilat cewam long hai dat leng lo e ri bo le, haumu xisu zhang ma ri dvepdvep age yap. 4.Kum lanlan pong dvo aq. Shamdvoq byvilat yvum kau ma, layang nun zhang kum kihot hai awo pong dat dut byuq le, haumu, pangtoq ra kum lanlan pong dvo aq. 5.Welam ma ang zhang, ulvum ri hi lago hung ge lui, juq zhowo han⁃ han pang hui byvam aq. Gungyam ma zhoq dvo e kumzing、cewam hai gi byam bvozing ra zhang ngvut le. Asu e, xibve myoq eq wu ri gi zhaq ging gu zhang su dut le, lago dai gvat zhang xisu zhowo gi zhe juq ra zhang ngvut le. Myuqkau gai qo、yvummyvang bve ma, zhe juq ra e gi kihot myoqzham、laigva gvashit long hai byitjo lo mu byu ri lo dat zang e bo le, haumu, xisu ma ang zhang gi yvumsing loq angvut zhang tung hai eq ulvum ma hi ngvop ge aq. Yvummyvang yam ma, azo ri wu lui, zumtang wang ka byam pang gop gvat aq. 6.Modo qoyam zhau mu qing dvo aq, modo qo gung ma age gvon so.Layang mo nun zhang, modo abyvi abat gvut zhaq kang wui le. Qogvang ri huirang byvam lui, modo qoyam zhau mu qingno gvat aq. Panghui ra bang eq byam jin modo wo lai rot lving ra madvu, moqo qo gung tong dvo byi ra le. 7. Myibyoq、gambyvoq luqzing leng jo、wuimo lang mai wuigun du lo ra qo sidiq aq. Bum yam、kelat ka nyi dvo le ma ang zhang, myibyoq byoq、gambyvoq gam dvuilvang mai luqgok hai dat jo lo le, hai ara gu zhowo ma hanhan panghui ra le. Wuimo lang yam ma ang zhang gi, wuigun du lo hai dat mu le, hai ara gu zhowo ma hanhan yvang panghui ra le. 8.Pang hui kun qo so aq. Layang nun tang ma, qoso mu pang hui ri zhe ge le, gung ma azing ze zhe shau wun ri zhe ge, mo⁃ do zhi、qilveng zhi mu gi roq yvang age pang hui.