Ipe gi anvam mai akui zhe shuq jo lo e shuqze lazhung ngvut le, nganvung e igvun zoshuq kau、buinum zhine huilvum gvun kun、 byinchang shidaq zinglvum gvun kun、wakau kingbvoi bo e kun bve ma, ipe gi age shau e shuqze lazhung ngvut le. Ngvut gvolvang ipe ri zang wum age gvut, lvang gi gibu buinyi ngvu ipe agon shuqwut gvut zhang gi, yvumsing gungdu ri lvoqten lvoqpyoq mu, numnang wui eq ri zang zhong byvam, ahoq ahi mu lvang dat hui le. Kamyvo zumngon e pyizum eq ngvut gvolvang, yvumsing gung ma age shuq gu su ri gi age dvikhuq lvum. Ipe shuq mu, ipe ri go-noq gvut lui, numnang wui eq mibyoq zhishum toq lvum、 nvikyo lvum、byoq lvum、bat lvum hai ri age gvut. Ipe shuq e gi myung e moi e san byuq ra midvu ngvut le, buinum zhine、byinchang numnang auzo eq chom shuq gvun e gi, shi⁃ daq kungga paudvap lvum e ngvut le, ngvut gvolvang yvumsing gung ma age shuq zhang gi lanvut ri ashuq gvut ra dut le.

        Asu mu, buinum zhine、auzo lazum wui ri kungga laqra tang aqo e nung ma, yvumsing gung ri sidiq yu、zhvitdap kungga yu ra dut le. Ipe ri goshuq bamshuq age shuq, yvumsing gungdu ri sho lui gve shuq ra dut le. Gvasu: Pauzhe Mazhi