Nungmoq yvum ma jamzan toq ma azing ze gisot ginot bumzang pyi dvo le lvu? Nang gi datwang myvi man le lvu? Nang e dat moq⁃ toq zumtang wang ma dat chung le lvu? Yvumkau dong ma myiduq lui ze myo、 myisat qo cauchi dvo zhang, amyit zhe e mu⁃ mo lvang dat tunghui le, haumu yvumkau dong ma myinye mu gam ri“3qo seng 3qo myvi”gvut ge ra le, akun hai ri gi“3qo seng 3qo myvi”ga le lvu? Zanggok seng: Zanggok gi yvumkau dong ma myi zhe zang chung myo e zhowo ngvut le, zanggok ma midung gvut seng ra e gi cu、mausau、bvanchoq hai myi dat duq e zhung ri myiqom eq jvanjvan gvut ra le. Hau⁃ mai, aqing dvot dvo lui cusoq zhvupshuq zhak、cangpun soq myiqom ze hai ma e cuzhap bve lago sutseng byvam ra le. Jamzan seng: Jamzan toq ma e azing ze hanhan shumseng byvam ra le, diqa gi mausau gvui、mausau long、sulyau hai myiduq lui e zhung zhe lawan wan yvang seng byvam ra le. Aqing myangmyang welam toq ra dut zhang, kihot kum lago myvi ge ra le, myizik yvumkau ma zang dangwang zhang myinye mu toq ra qo sidiq ge ra le. Zumtang wang seng: Qo、zumtang zhvun、myi-o yvumwap ka azing ze bumzang pyi dvo age gvut; Dat moqtoq zumtang joro、 panghui qo、kumwang ka dat age chung, dat chung aqing age myang, awui ayam ma myi datduq gu zhung ri age zhoq. Myisat qo、kum⁃ dong、panghui qo hai pyotpyot rot ra le, dat zing wang eq dat zumtang(denti)kau ma azing ze abvuq ayvep bumzang dvo age gvut. Cangpun soqwang myvi : Cangpun soq chung tang ma soqwang hanhan myvi byvam ra le, cangpun soqkat yvumsing yvang nau e dong age liklai chung, aqing dvot dvo mu cangpun soqkat nyvom gu e noijvot dvum ma awom wom e、agvuq ajut jut e、soq ashun shun e lago zhepcho wu ra le. Datwang myvi: Advan dvan e datze mai mingbyu wui e igvun kau ma luiyang luice zhaq yo bum be, asu e gi juq ra zhang ri zhaq myo ra, haumu nganvung yuqdu zhup datze chung ri lago sidiq ra le, dat achung lo zhang datwang hanhan myvi byvam ra le.

       Kihot kum myvi: Yvum mai toq lo zhang kihot kum hai lago myvi dvo ra le, lai lo be xi isum zan gu pauzhang bvuq lui kihot kum mai myizik zang dangwang lui yvum nye mu toq e ri zhaq bo wu be. Yvumkau dong ma myinye mu gam ri“3qo seng 3qo myvi”gvut ge ra le