Likdik ma maumo wo zhang, wuizhe Zaizo byucik za zhe lo le dvi? Maumo wo zhang wuitum dingnvon dvo, dungbyung byung, myibyoq wuiwum hai dat dut lui, juq ra zhang zhaq myo le, ngunze zang sum myo, juq ra qo ri mi- dung gvut yvang gamlvom ge ra le. Maumo ladam wo ri wuizhe za dat zhe lo le dvi?Maumo wo zhang wuitum dat ding⁃ nvon, dungbyung dat byung, myibyoq wui⁃ wum wum hai dat dut le; Mauwum myiwum hui zhang juqshi ladvung mu dat hui lui, ngunze hai ri zhaq dat zangsum byvam le; Juq ra zhang ri midung gvut lui dat gam ge dat panghui byvam ra le. Maumo wo nvo za dut lo e hi ma, Mau⁃ soq panwap mai maumo wo ra qanglu adong dong mai qom byvo shitjvo gvizhang, nganvung mausoq qanglu mai sho lui, hihi mai wuiwum gamlvom agam lvom ra e ge hen dvo le.Nang su yvum ma nyi dvo kejo pyang nyi du dvo zhang gi, dungbyung byung wang lo nvo za dong hai noq mai chi ge dvo ra le, hauzhang dungbyung wui yvumkau ma myo shoq awo yui wang lo, dum ngvutzhang datwang eq cangpun soq myiwang hanhan myvi byvam ra le, za angvut zhang datshun soq- shun zhang juq ra zhang myo dik le.Nang su welam ma nyi du dvo zhang, wuilang eq jvanjvan nyi, wu⁃ invong gvum ka a e gvut ra le, dum ngvut⁃ zhang dat zingwang hai dat leng lo nvo za e gvomyvang ze eq ri jvanjvan gvut ra le, hau angvut zhang amyit zhe e mu lvang dat hui le.

     Welam ma modo gvon nyi dvo zhang ri jinso jinman kagvut, sidiq ra dut e qolat、 maumyi nyvum dungbyung dat byung jo lo e zhowo ri panghui byvam ra le.Kasu mu modo wui ma nopwang dvo be ngvutzhang, modo ri du byvam dvo aq koi, angvut zhang wui dingmun doq lo zhang modo ayam ma myoqzham batdu eq batqop lui pang toq lo ra le.Wuizhe zhe lo e kun wui ma age jo wang, myvang zhang yvumkung toq ka byam pang doq lui, byu qi bang ri lang dvo ra le. (Puqsu Mulat)