Nganvung zaqjau yotung guq dat ho zo e mai gi, zangwam aji ra gi a-uqi ra loq. Asu e, akui jiji myang zo zhang, hikun wamluq abying dut e kun le mvomyi ri age dvomyvi byvam. 

      Akui byvat le chin kamyvo zhvoi gvolvang age zhang ri zhaq bo ra, zhak mai tung toq lo e chin gi zhvutzhvut jvijvi za dut gvolvang kongwuzhi eq shanshi qenwui ga e bve ban zang lvoq pyuq byvam be mizho, wamluq wum-o ja za dut ra. Ximai daizhang nganvung zo e chin ri kadong zhvoqzo ri zhe jai le chomwu wu shang. 1.Zangpyu shau zo, chinyum ajut e zang zo, howa zang zo Zang, diqa gi akui nganvung zo le zang⁃ pyu zo zhang, de luinvuq luizo gvat tang ma sui shatang dut lui e mizho, sui shatang ri awo lvomtang ge dat dut le. Qenwuisu myo e chinnoq、chinne、chinyum ajut e chin hai gi luinvuq zai e zang ngvut le. Haumu, shatang sui lvomtang ge ra dut bang gi, miyu zangzhvoq ri chinpyu bau kazhvoq, chinyum ajut e chin、howa zang hai ge nyvo zhvoq zo le. Kasu agvut zhang gi, chinpyu zhvoq e kun howa zoze ge gvat nyvo zhvoq le, dang⁃ gve zangpyu ma jvuizhi、shijang、wandvu hai ge gvat nyvo zhvoq le, xidong zhvoqzo zhang gi wam ji lui, ungkau ma yvoyvo mai lvom luinvuq yu le.

2.Zangzhvoq ri de nyvaq de nyvom shoq kazhvoq Layuq yuq gi zang nyvomnyvom za zhvoq nau le. Zangzhvoq ra hi ma chin ri hi nayi isum qing gvo nyvun dvo lui, myi dviqdviq za gvut zhvoq zhang, zang nyvomnyvom za ga zhe ngvam le, asu e, xidong zhvoqtoq lo e zang gi luinvuq lui mu zangzo tang ma sui shatang ri zhaq doq lawan le.

3.Cu gvat izhum gvat e zang shau zo ra le Cu gvat lui zhvoq e zang gi wumshi zhe dut le za angvut, zo ri wam aji lui mu, zang zo myo dut le, gungdu myum bang xisu zang zo zhang awo dvu zo dut le. Izhum gvat mu zhvoq e zang zo zhang zhe luinvuq lawan le. Dum ngvutzhang, izhum bo e ze zo zhang, gungdu sui shatang dut lui le. Haumu, miyu ma zangzhvoq ri izhum shau gvat angvut mu agvat gvut ri zhe ge le, izhum gvat e zang shau gai zo ra le, danggve advan dvan e zangnve, diqa gi ishi chui no bo bang, xisu zang shauzo ra le. Welam ma zang kat zowun e kun, zang ma izhum ngam(danggve zangnve hai ) zhang, shauzo ra le.

  4.Zang lanyi zhvoq lanyi zo byvam, shau nyve zo ri ge le Miyu ma zangzhvoq ri demyo shoq kazhvoq, zangcham dum nyve zo zhang, zhenyvaq zhenyvom byuq lui, zhe luinvuq la⁃ wan le, haumu, zangcham nyvezo zhang sui shatang zhe myvang lawan le.Lanyi zhvoq lanyi zo byvam ri zhe ge le. (Puqsu Mulat)