Mausoq zhe ri zhe ngam lo zhang, nosho zo nau bang zhe myo le. Joqmyo yam ma wumlai lvuq zoze kadong zo ri zhe ge le? Haimu lui sho zo zhang gungdu nye e su ga le? Midung gi 3qo bo le:

     1. Sho ma wum-o dut ze lyangleng myo le. Sho ma danbezhi myo, cu ri myo le, nosho zo ri ngvam e mizho, nganvung yishi zang zo myo mu, wum dut ze lyanleng zolvung myo zhang gungdu nye e su ga lui, joqzhan wo tang le. 2. Zoze myo nye. Nosho ma danbezhi myo le, danbezhi ma nyeze ri myo le, danbe⁃ zhi gadvu wumman dut ze Tanshui hua⁃ howuq、cu 2hu eq dvu gvat zhang, luinvuq zhvup hang yu e kun nyeze myo mu, banzo tang ma gungdu lumlum nyenye za zhe ga le. 3. Tyeq myo le. Byu gungdu ma nyesoq toq byvung gi myiqom laqom ja ngvut le, nganvung zolvung gvat e zoze gi myiduq tangqung ja, suikau ma e xehung danbe gi myi bodvuq byi e yangqi soq ja ngvut le, myiduq tangqung、myidvuq yangqi soq luq zhang sheq, gungdu kau ma nyesoq zhin abyit wo lvuq byi nyi le. Joqmyo yam ma, gungdu ngam、qiloq ngam bang myo le, haumu wumman lvuq nau bang ri myo le. Hikun mai daijo lo e dangkun, joq zhang changwing wing shuq angvut zhang miko shi zo ri ge le ga e xibve gi dveng le dvi? Daigvat zhang, chang⁃ wing angvut zhang miko shi gi gungdu ngam e adat wo lvoq ge yu. Joqmyo yam ri gungdu ngam qiloq ngam e midung gi joq mu langvut le. Nang su joq e su ga zhang, mebu lago gaugau wut zhang sheq ge le. Nye gu changwing shuq zhang gungdu lumlum nyenye za ga e gi, wuinye ma nyesoq mai langvut le, changzhum eq aseng lvum; Miko shi ma wuisinsu C myo le, tyeq wo zhvup shuq hang yu e gewang bo le, asu e nang ri gungdu gi adat wo lvoq nyve byi. Zoze mai liklai yu ra ngvutzhang, danbe⁃ zhi myo e zoze ge zo le, danbezhi ma nyeze myo e mizho, byu gungdu ma wo lvoq nyve byi lawan le mu, gungdu nyingon e su zhe ga le. Lailui, joqmyo yam ri nyikang mo lanyi nayi 30minit laisoq rot zhang ma gungdu byvan lui, gungdu suibyo zhvoi nvang zhang, lagungdu e lumlum nyenye za zhe ga le.

       Nosho kadong zo zhang sheq gungdu nye dum wangzan dut le?

1. Gejvo zo, age zo myo. Sunzang paqzhvi ma daijvo dvo gvo ri, sho lanyi 40～ 75keq zo zhang ge be, 2rung azhe. 2. Sunnyui shicham bo zo nyvo. Nosho zo ri ngvam gvilvang, sho bau za age zo, mvanhaq sun shicham hai zo nyvo ra le. 3. Awing shaushuq, sho za zo. Awing ma e wumman gi zhaq shau le, myopyang gi sho ma bo le. Pyumui mui e showing ma cu zhaq myo le, shuq gvilvang man bo dik le, asu e awing shuq ri gungdu ma lazhvum gewang abo ga. (Puqsu Mulat)