Nganvung mingdan ma bushi gokun mai hozo jo lo be. Dai gvat zhang bushi gi gvong⁃ bu dut zhang ma sheq myo ho le, Yangbyi ma bushi gi wuikung kop bve ma ho dvo agvo. Bushi ho bum le zhiwo bve mai wu zhang, Xizang Jilung eq Xinjang Yili bve ma yuq e yoso bushi mai lai mu, ga zhowo bve ma yuq bum le bushi gi, hikun mai hozo jo lo e bushi angvut zhang bugam coq lui hozo e myo ra. Asu Yangbyi ma bushi myopyang gi yoso ma yuq dvo butan ma coq yu e buqop myo ra.

Nganvung mingdan ma bushi ho o zho⁃ wo gi, munpyang zan gom ma nyesoq eq seng lvum le. Gansu Lanzhu ma zhvung gvut mu dai zhang, buitoq qam munpyang nyesoq zan gom ma gi 8℃gvo zhe ra, buiwang qam mun⁃ pyang qo zan gom le nyesoq 6℃gvo zhe ra. Gvazving dvo gvo mausau bve pongwu ri, nganvung mingdan ma bushi ho bum e zhowo gi mausoq eq ri seng lvum、bushi yuq nau zhowo eq ri senglvum、pongshingra ma wo ungzo qo eq ri senglvum le.

1、Mausoq myisoq eq senglvum qo. Yuqze zhepgon sira mo bve dai gvo ri, ka zhowo ma haizhung yuqze yuq ra gi mausoq myisoq eq senglvum mai, tangma sheq mau⁃ myi eq laseng lvum, Kazhung sikgam kama yuq ra ri zan gom le nyesoq izhvam zhoq qo bve eq ri senglvum le ga.

2、Bushi cham kasu dut ra gi zho⁃ wo mausoq bve eq senglvum le. Lazhung za bushi myi, la zhowo ma ho zhang lazhung dong yvang zui ra, bushi gvo pyang ri ala zhung, zo gvilvang ngvam e ala zhung lvum. 3、Pongshingra ngun ho qo eq senglvum le. Nganvung mingdan ma bushi gi byu eq ho e zhe myo le, haumu, bushi ho ri ngunze wo dut awo dut qo eq ri senglvum ra. Xi mizho bushi ho ra hi ma, kazhung bushi myi ho ri ge ra e qin ge ra le, laqo mai dai zhang bushi ke lui lazvui za zui ri bo; Dum laqo mai dai zhang bushi zo ri gungdu wangzan chi wo dut lui, yishi lazhung za gvut wo ungzo nyi le. Bushi ho dvo be mai zhizhi gon no amu, bau ri abau、bushi kahe lang lo gvilvang aten asu gi 20byvat 80zan tung tang ma，bushi ungzo angon dut e, haimu lvu ga zhang, xigi bushi lazhung izhung za ho dvo lui lago agon, bugam ma bushi kamyvo zui zhang kamyvo za pyoqzo ,wo pyoq lo bushi la⁃ go adat sai ungzo lui, ngunze awo myo dut ngvut ra. 21byvat dum zhe zhang gi, mingbyu wui oyuq ri bushi zo ri gungdu wangzan yuqyo e se bum lo, igvun zoshuq ngon bum lo le dut mu, bushi gvam wuizo byu zhe myo lo mai gaizhang ma ungzo ngon lo be, laqo gi, bushi hozhang ngun wo hozo e mizho, bushi laming e ho bum lo bigvo. hikun gi modo qo ayo bumzhvap lap ma za hozo e, akui gi bva damlam ma ri hozo bum lo bigvo.Nganvung mingdan ma bushi hozo qo gi a-o ma daidvo yoq chang lui hozo bum le.

1、Mausoq myisoq ma chang lui hozo le. Diqa gi bummo gvongchu, laimo la⁃ idun lo、bui azang lvap、mausoq age dut e zho⁃ wo bve ma hai bushi ho ri ge age xibve myit zhe ra dut le.

2、Suya muzui bang haizhung howa ho shang ga zhang haizhung howa be chang ho ra le. Bushi gi kasu zhowo ma lvang ge hozo e lazhung shigam ngvut ra, asu akui nganvung mingdan ma howa hozo ri mausoq ma chang lui ho le aban ngvut, mausoq amyo shai lvum e zhowo ma, suya mai ka zhowo ma bang gi haizhung shi⁃ cham hozo ra ga gam dvo lui ho nvang le.

3、Ho be mai gi myo za ho ra le. Bushi ho gveq ga gam dvo byi e zhowo ma bang, bushi ho be mai gi myo za ho ra le, lazvui lazo za hozhvam wu e bushi yo ri gi suya mai gam dvo byi e bushi ho zhang angvut loq, yvumsing gvam mu za ho gvun e bushi yo langvut alo. (Puq su Zunwa Nangbang)