Maumying mauwo yoq ma ki danggo duilving wun

   Maumying mauwo yoq ma age dinggo yonglving wun Motoq qilveng zhe age zhi dinwun Maumying mau lvapchik yoq ma duigo wun zhang maugun zhe lom zo le

Maumying mauwo dvo u ri, sham⁃ dvoq ze eq wewe jvan ma nyi ra dut le

   Maumying mauwo dvo le u ri, shamdvoq buigo age tuq, loqpyo ma shamdvoq ze age chung age zui. Maumying maujo u, zoshang wui ri shamdvoq bo e lvugvun ze age lvu nvang, lawo zhaumu ma han yu dvodvo ra ra le. Shamdvoq ze hai toqze dvo e zhiwo bve ma age nyi, yvum ma e shamdvoq kihot bve ka ri age zhvang age dvep, zhe age sopzui.

Maumying mauwo u ri loq zhvinvan age chung

    Maumying mauwo dvo e u loqchung zhvinvan achung gvut aq Zhvinvan kibat zhvinvan ri kiyu jo Mau lvapchik myidat zhvinvan qing mai chang wang lo hai mu zhang maugun le.

Maumying mau lvapchik u lang bau wui eq gung kichi

    Shamdvoq langbau gi myi mai lang wang lo le mu, maumying mau lvapchik u wuibau wui eq gung kichi. Wuilang wuiyoq bve ma azing ri ki e chi Bauqi ngizo ri age e nvop, wuili ri age li, wuilang yoq ma ri age nyigvun

Maumying maulvapchik maujo u, sikgam o ma mau age go

     Maumying mauwo u yoso damlam yoq ma age nyi dvo, han panghui aq Pangzhang zhiwo azhoq hai mu zhang gi zung ngung jo aq, gungdu kimyvang ze dvo Sikgam mo o ma mau age go

Maugun gun ra gam ri byu myo hai mu zhang ki tingzhviq lvum

     Maumying mauwo nashi lo hai mu zhang maugo go ri age tingzhviq lvum, lason jvanjvan gvut jvo gop lvum ra dut le    (Puq lazhang su  Doqshi Mumvau)