Zvutmun nowum fanglvom tungzam ma mi⁃ sat dvo ri, nowum zhoqmyin zhang mai dvau lo e numnang wui yvumsing yvum ma nogam wu nyi ra dut le ga. Asu e, nogam wu nyi e aqing ma ka ri age lo, hai ri age gvut angvut. Kadong gvut ri sheq dvira ma azang lvoqshut ra lvu, xi⁃ bve chom sidiq ge shang.

       1. Sengang dvira ma chang lui lago gamwu nyi ra dut le. Gamwu nyi e aqing ma, sheqi ma e zhimu byu dai dvo yoq ma chang ge ra dut le, nopyo hui e za angvut zhang shinggan welam age toq, yvum ma heson jence le gvut byi zhang lago jo byi ra dut le, chirung e ra dut zhang, sheqi ma hi sangjvo lui shiwa modo azung e za nvutngvop lago ngvop ge lui yvumsing bau e ra dut le. 2. Gamwu nyi e aqing ma layuq bau byam nyi ri sheq zhe ge le. Xisu gvut nogam wu nyi ri kihot dong ri bo, namdum ri bo gu yvupwap ma layuq bau byam nyi dvo mu yvumbyu wui eq zang laha abvong zo, laha azung ming gvun gvut zhe ra dut le. 3. Gungdung wangzan qo ayang zhepwu nyi ra dut le. Nyiwui napsun lada myin ri lada gung nye anye e zhepwu nyi lui nye lo, wum abo dut lo, qungzvau zvau lo, wamshun shun lo dut zhang sheqi ma zhimu byu bve ri raurau yvang sangjvo ra dut le. 4. Kihot dong pongsan ra age dvomyvi. No gamwu nyi lung dvo e yvupwap ma ki⁃ hot dong gi lanyi ri shau dik lvang 2da pong, la⁃ da 30minvik gvo pongsan ra dut le . 5. Bausat chi anum pyun ge ra dut le. Nyiwui yvang yvupwap, gungchi wap, nam⁃ dum xibve ma bausat chi pyun ra dut le, chung wu be mausau, nvutngvop xipo ri tungzo ma la⁃ go zhvuq gvat dvo mu sengbyvam ra dut le. 6. Wangzan qo migum zhe ra dut le. Numnang wui yvum ma no gamwu nyi e aqing ma gungbyvan byvan gvun ra bishau dvo⁃ myvi, zoshuq lago gvut, jiji yvup, imyit ngonngon za nyi ra dut le. (Puqsu Maran Maroi)