Zvutmun nowum gam dvira ma lvoqshut zhang kisu e mira wun le lvu?

    1.Nowum gam mugon rung eq Gung-an rungwap bve mai no dap adap myin lo e qo kat zhepwu ri dai dvo e yoq ma agvam chang byi, dingsang panghaq angvut mu gi angvut e qo mvau dai gvut bang ri shingra loqsuk dvira tungzam 330kat ma chang lui ngun 200koi chup e, laimai 5nyi mai 10nyi gvo zhvuplvung le. Zvutmun nowum gam muzui byu bve ri lvombat lvomjvuq lvom kattoq gvut bang ri, zhe gi shingra loqsuk dvira tungzam 277kat ma chang lui mira mo yvang hun le.

    2.No ban dap lui gam ya wu nyi e bang misat dvo zhiwo ma la⁃ go anyi dvo, misat dvo aqing azhe shi ma haq pangtoq lo bang, angvut mu gi agvam gamwu agvam gamya bang ri gi ali no gam dvi⁃ ra tungzam nambvat 39kat sanghi bun ma chang lui, Gung-an rungwap mai gamwu zhang qo ge zhvup dvui yu le.

    3.Yvumsing no ban dap gu e lago asang jvo, nowum zhoq myin zhang mai dvau lo gu e ri lago adai sangjvo, nobyu eq laha zang hui lvum wu gu ri lago adai sangjvo, angvut azhoq e za mvau daijvo bang ri gi，shingra migum dvira tungzam nambvat 50kat ma chang lui jvuqdvan e mai lai lui, ngun 200koi ri dum chup ra ngvut le, zhe ayak akak gvut bang ri zhe gi 5nyi mai 10nyi gvo zhvuplvung e mai lai lui ngun 500koi ri chvup ra ngvut le. Shiwa modo zung lui byuzing zhang ka zvutmun nowum no laming e kat wun myvin wun, yvumsing no dap e adai toq, kamai dvau lo e xibve lago adai toq jvo bang gi, shingra loqsuk dvira tung⁃ zam 330kat eq 114kat、115kat ma chang lui mira mo yvang hun ra ngvut le.

     Haumu, auzo numnang wui, nganvung kayuq ri zvutmun nowum gam tungzam ma lago chang ge lui，nowum xi raurau wo lvomdvang byvam ra dong chom shigut e lo shang. Dvira ma zang lvoqshut ra qo gi zhvam lvang bvishau zhvam. (Puqsu Maran Maroi)