Xi jiro, zvutmun nowum laming e dum zhvoqmyin bum lo e mizho, nganvung kayuq ri numpum imyit abo gvun e za lago yvang bi⁃ chom lvomdvang shang. Dum ngvutzhang no⁃ gam qo ma misat dvo yoq eq dvira achang zhang kasu e mira bo le xibve ri lago chom mvoqse yu shang.

      A.Zvutmun nogam mu zhep zhang ma zang lai e kun ayap qing e agon tunggun lai, zhimu byu bve ri awam byi zhepwu gvut bang ri gi shingra migum dvira nambvat 50kat ma chang lui, jvuqdvan angvut zhang ngun 200koi ao pyang chup le. Ashuk ashak gvut bang ri zhe gi 5nyi mai 10nyi gvo zhvuplvung lui ngun 500koi ri dum chup le. Zvutmun no kat lvoqmyvin bang ri gi shingra lvoqshuk dvira 330kat ma chang lui mira mo hun le.

       B.Heson jenceq gvut ra dut le ga misat dvo e mingbyu wui dingsang abi lom gvut bang ri gi, likdik ma toq lo e shiwa sanseng mu yak piran dvira nambvat 51kat ma chang, shingra migum dvira ma ri chang, shingra lvoqshuk dvira nambvat 330kat ma ri chang lui ngun ri chup e mai laimu mira mo ri hun ra ngvut le.

     C.Yvumsing e wangzan lakmat hui byuq angvut mu gi ne byuq e numnang wui, misat dvo yoq ma achang e yvum ma lago awu nyi, misat dvo zhiwo ma lago a e bi gamwu nyi gvut bang ri gi, shingra migum dvira nambvat 50kat ma chang lui, jvuqdvan angvut zhang ngun 200koi ao pyang chup le. Ashuk ashak gvut bang ri zhe gi 5nyi mai 10nyi gvo zhvuplvung lui ngun 500koi ri dum chup le. Zvutmun no kat lvoq myvin bang ri gi shingra lvoqshuk dvira 330kat ma chang lui mira mo hun le. (Puqsu Maran Maroi)