Gung ipyo ten bang e nyingon qo yuq lazvui zhe yo ra midvu, Mangshi gung ipyo ten byu mugon rung bang“Yanggong jayen jifa”ga e loqmu pong zui lui, Asuya mai ngun toq mu, gung ipyo ten byu 324 yuq ri gon nvang agvo, zang girum e gung ipyo ten bang yuq kang myit ri ngon dik bigvo.      “Yanggong jayen jifa”ga e loqmu xi gi,Mangshi gung ipyo ten byu mugon rung bang xiqo ma e loqmu dat zui gu e bang ri lum mu, yvum zhe zhe lo lui,angvut mu chirung ma no ale wam ya e gung ipyo ten bang ri lo kat girum agvo, yvangmoq ri girum ra qo gi: byudu ri gon zhe、yvumkau ma buishum shum byi、no lo ya byi、gungdu wang⁃ zan qo lo zhep byi、kasu gvut zhang byu gung zhe wangzan le xi qo lo shitjvo agvo.

       Kizan mai xigu, Mangshi bang kinyi gan kamyvo ze gvilvang noq ashi、napma kamyvo noq gvilvang ganze be ga e imyit bo lui, gung ipyo ten byu zhe myitlang dvo qo ri gvidvoq wang gvut mu, Mangshi bang“Yanggong jayen jifa”ga e loqmu shui pong agvo. 2022 zan ri, Mangshi gung ipyo ten byu mugon rung bang asuya mai ngun toq lui, Zhipang Hukang chirung bang ri“Yanggong jayen ji⁃ fa”ga e loqmu pong zui nvang agvo. Yvangmoq zang girum byu ngvut⁃ zhang 324 yuq, loqmu xi shui pong zui e mai, gung ipyo ten bang e zoshuq nyiyap qo ri yuq lazvui zhe yo, ximai lai lui, yvum igvun lazvui wui e wolai ri wo jve byvam byi, yvumbyu yvangmoq ri gon wui qo yuq zhe yo bigvo.

       Mangshi Zhipang Hukang chirung bang gung ipyo ten byu ri layvum yvum mai no lo kat ya byi nvang mu, no bo bang ri imyit zhe ngon gvilui, no ri lazvui wo ya ge byi bigvo, no bo bang ri girum ra qo gi: chi lo de byi, loqsing zen byi, ucam wuqbyi, dvapkang、buimo gvuq taibyi, buishum shum byi gvut mu, yvumkau ri sansan wo dut, Mangshi Xishan mauwa Nongbyit wapung Loizhet wa ma Pai Zaunong bve yvum bang ri ri zang girum gvo ngvut le, kamyvo zan be yvang e yvumsing myvi no bo lui, haimu ri a wo bizui mu Pai Zaunong myit⁃ myo dik be,“Yanggong jayen jifa”ga e loqmu pong zui lo e mai yvang⁃ moq yvum ma e wolai ri lazvui wo jve byvam byi be.

       Loizhet wa ma e Pai Zaunong dai ri, yvangmoq lvomo qap kang⁃ mo no lo cha byi, le zui byi gvo e mu ri zhaq ge ra, yvum ma buishum le shum byi, chi ri le de byi, nga yvumsing myvi gi dui ri awo dui gvut no leq dvo be, hai mu ri awo zui loq, haumu Hukang chirung, Mang⁃ shi gung ipyo ten byu mugon rung bang ri ajvu bun le ga. (Lusik gva su Goq Mutuq)