1. Qunbu: Qi nyvun ri qunbu gvat lui nyvun zhang, ungkau ma e ngamsoq eq izhvam wing bve wo kattoq byvam le. Ungkau izhvam bo、gung ngam、gung yo、myiwe wui me dut zhang wamno bang、cammyvi anum myvi bang qunbu eq qi zhvoq nyvun zhang no ge lui le ga.

　　2. Changzhum：Changzhum bat- chap mu qi zhvoq nyvun chi zhang gungdu suicho wo lvoq rot gvat mu, qiloq ngam e ge byuq, cammyvi ujang、wamno ukang hai ri ge byuq gvut, la gungdu e no wo kattoq byvam mai, gungdu nyenye zvangzvang za ngvu zhaq nyingon le ga.

　　3. Zhapshi：Zhapshi eq qi zhvoq nyvun zhang gungdu suisoq wo rot lvum mu, ungkau ngamsoq ri wo kattoq byvam mu, la gungdu e nyenye zi ngvu zhaq nyi ngon le ga.

　　4. Izhum: Wuinye ma izhum gvat mu qi nyvunchi zhang, qi nam zheq hai mu e achaq azhvut ze wo chi sat byvam le. Dum laqo gi izhum eq qi nyvun zhang, lagung du e suicho dui ngon, imyit eq unuq myung te ge num lo, gung gom shocau shosik tai lawan, gungngam ze eq awang nopyo hai ri wo kattoq byvam, yvup ri ngon mu gungdu zvangzvang za ngvu nyingon le ga.

　　5. Angqi：Joqmyo yam angqi ri zangsun gvut zhvoqzo zhang gungdu wangzan le. Angqi eq qi zhvoq nyvun zhang gi qibup nam e wo boi byvam le ga. Haumu angqi ri gi zangsun gvut zhvoqzo mai, qi ri ge zhvoq nyvun le. (Puqsu Zunwa Nangbang)