2014zan le gonyen yamyoq zhelo le nung ma, invung Sakung mau shut o ri o e modo gvon mu lolam logong gvunbyu lazan eq lazan lvuqzhat wo za lamyang bum lo nyi le.Haumu, kalam kayong wunsu ngvut gvi- lvang, modo eq za toqlam be mai o ri o e gvangri   zhvit, myizo ri zhvit, igvun ri myit mu sadiq imyit eq toqlam wun ri zhaq wangzan lang ra ngvut le.

　　Modo zhimu gonwap mai dvunshit le gi,gonyen bvoi yam ma modo myo, lam gvun byu myobum le mazho, yvupjing jing e tangnyi modo shaugvon shaulam ra le, za angvutzhang nang eq atung zhang subve eq nang ri dattung datmu wang lo le. Haumu, tangnyi modo gvon ra su, himyin mai yvup lago ji, imyit angon dvo qo kikat toqlam, modo gvon ri, nayi 4qing gvo gvon be mai ladam gvo noyu mu dumdo do gvut aq. A-o ma invung maukau ma modo qo azhvoi age zhiwo bve dvunshit le:

　　Lunglin mai Mangshi jolo le Xinqau dvum gu ma, ke hing qogoi myo, mvuttup,  ayang ngvanshi qomo ma dveqbam nyi mu, modo zhaqdat zhvutleng le, Mangshi mai  Mingmau lo qo gu ma, Santaishan bum helut xilut, kehing qo  zhvap qogvum byoqten zhiwo myo le mu, modo zhaq tungmuq lvum ra.

　　Mingmau myuqkau gu ma, Nong-en qogvang jiro eq Zedung wakau jiro gu ma,qogvang myo, sikbvung gau bum mu modo zhaqdat tunglvum le.

　　Lungchon ginwang gu ma, Jvingkan Yunghan wakau gu ma, yvummyo qolai byu myo bum mu, atung ate mu zhaqdat toq le, haumai Husaq bum doqlo le qo ma, cungzan ase maumyo ngvanmyo mvutmyo mu lui modo gvon ri zhaqson ra le.

　　Yinjang ginwang gu ma,Yuqsunglin qo-gvang eq Juchen wakau lozang laile gu ma,qo-nyang zhong zhoq, qogvang myo, qolai byu myo le mu modo mumo muzo zhaqdat toq le.

　　Lenghoq ginwang gu ma, Onglen eq Jimuq zhai jiro gu ma,qogvang myo, qolai byu zhin abyit, qoyam yvum myo mu, mu zhaqdat toq le, haumai Nangsung xiang mai Tenchung wanglo le gu ma qogoi qozhvap zhiwo atung ate dut mu, mumo muzo zhaqdat toq le.