①Shi chi: Sanghi ri shicham agvuq ma dap e myvizve eq azing zhap hi chi qo byvam.

　　②Agvuq qut: Gapyi shi agvuq qut zhang zhak eq byvik qut, angvut zhang byuloq eq wum gvat tung qut, lui qut ge gvut le. Byuloq eq lang lving e agvuq qut zhak chung zhang gi, nayi laqing ma shizhum gvuq 35-40gungjin wo byvik qut le. Dat eq lang- lving e dviq le zhung zhak gi nayi laqing ma shizhum gvuq 250-400gungjin wo byvik qut ra. Gvo le zhung zhak gi nayi laqing ma shizhum gvuq 3-4dun wo byvik qut ra.

　　③Agvuq byvom byvam: Gapyi zhum agvuq wo qut mai azhi eq agvuq gamkoq ra ri mumo lalvum la ngvut ashi, jai le zhung shigvuq qut zhak ma azhi eq agvuq godvu dvu gvut gamkoq ze bo le. Byuloq eq rom gam zhang gi, shizhi layuq gung lanyi 52gungjin za lawo rom toq lo ra.

　　④Gapyi shizhi wo rom toq yu mai gi: Atoq ma dap e nyvoinyvai ze dum chi qut byvam ra dut be, chiwing tum ma, angvut zhang wungkau ma zvomra myang shoq nyvun bvup dvo mai, dum ce chi zhang zhaq wo chi zhvoi le. Shizhi nyvun kun, amyi myvu kazhung ngvut e wu ra dut le, shicham dviq myvu gapyi shi gi nayi 24-36qing nyvun zhang ge be, shicham jvo myvu gi nayi 36-38qing zhe nyvun ra dut le. Shizhi nyvun myang anyvun myang ra gi, mausoq kajvo kasu dut ri wu ra dut le, mausoq nye zhang nyvun myang no amu, ngam zhang gi lazvui nyvun myang ra dut le. Shizhi nyvun dvo kun, izhvam tai ra dut e age dvomyvi, nayi 12qing jvo ma ladam zhang ge be. Shizhi bvup azhe zhang, nyvoinyvai wing shang shoq awo bvup qut byvam mu lvap hui wui le, asam ri ajeng zhvoi. Lvum lvoq bvup zhang gi, hehe ga shoq dat bupzhvin byvam le. Shizhi toq ma dap e nyvoinyvai wing jut jo byvam jvo bvup mu, raurau dum chi lvap hui, angvut zhang myam hui dvo gvut ri lage le. Gapyi sai reng rung mo pong bang gi, shizhi nyvin hui zhak mai nyvin hui, angvut zhang shizhi nyvin hui wap yvang gvut dvo mu, kimyvo myo gvilvang nayi 24-36qing gvo ma wo nyvin hui be. Gapyi shizhi nyvin hui kun, sanghi le nayi 3-6qing jiro ma nyesoq 90-100℃ gvat byi, tang le 3-6qing jo ma 80℃ gvat byi, hau tang mai gi 60℃ gvat dvo byi zhang, banshoq ban ra hui le. Lvap hui zhang gi buizvo sansan ma 5-7nyi lvap zhang lawo lvap hui le. Gapyi shizhi wo lvap hui mai, ajvap yum zo dum tungqut byvam zhang, zhvoizhvoi reqreq za zhe dut mu, ungzo ri pau zhe dap le.

　　Gapyi shi sai reng e kun yvo ra dut le gi: Amyving shi gu shi eq myving gu shi labvong za age gvut, agvuq byvik qut ra hi ma gam ge dvo mu, godvu dvu gvut byvik zhang sheq, azhi cham dviqgvo ra mu, myoq wu du le, ungzo gvilvang pau dap le. Gapyi shi agvuq byvik qut kun gi, shizhi ma dap e nvutzui zo age lvoq qui byvam, nvutzui zo hau lvoq qui byvam zhang, chiwing tum ma nyvun e kun, noqnoq meme gvut nyvun dut byvam mu, awo ung pau zo dut le. (Pauqi Mudvom)