Do gaba lahkong Pati a hpongchyom htung

　　№10 Pati go madu a tara ganu hte pati hpung tara ko hkan, gumrong gumtsa jom gahkyin htung ko hkan nna zuphpo la ai wahpung re. Pati a gumrong gumtsa gahkyin htung ai tara maka go:

　　1.Pati dinghkrai masha ni go pati hpongchyom ko hkan, yom ai jahpan go lo ai jahpan ko hkan, lawu tsang hpongchyom go lahta tsang hpom chyom ko hkan, pati hpung ting na hpongchyom shagu hte pati hpung ting na pati masha ni yong go pati a mungdan mungchying sha gasa zuphpong gaba hte ginjo salang rapdo ko hkan ai.

　　2.Pati a tsang shagu woi on rung dap go, rung dap ni ko nna hprai shapro dat ai rungdap gasa hte pati hpongchyom n re ai ko na pati hpongchyom hta lai nna, yong go ra lata shapro dat ai hkrai re.

　　3.Pati a tso htum woion rungdap go, pati a mungdan mungchying sha gasa zuphpong gaba hte dai ko nna pru wa ai ginjo salang rapdo re. Pati a buga tsang shagu woi on rung dap go, pati a buga tsang shagu mungchying sha gasa zuphong gaba hte daini ko nna lata shapro ai salang rapdo re. Pati tsang shagu salang rapdo ni go rau tsang na mung chying sha gasa zuphpong gaba de lit la nna bungli mung tang shana ai.

　　4.Pati a lahta tsang hpongchyom ni go tut nong e lawu tsang hpongchyom hte pati masha shawa masha ni a myit lu lam ni hpe madat mara la nna, aten hte tup rai nna shanhte tsun shapro ai manghkang ni hpe hparam yu ya ra ai. Pati a lawu tsang hpongchyom ni go lahta tsang hpongchyom de matsun la na hpyi shon hte tang shana ai hte rau, madu ko nna tinang lit la ai shara na manghkang ni hpe mung no hparan kau ra ai. Lahta tsang hte lawu tsang hpongchyom lapran hta go shada shiga shana hkat, shada madi shado hkat shada tek yu hkat rai ra ai. Pati a tsang shagu hpongchyom ni go dodan hta hkan nna pati mu shadan shapra nna, pati masha ni hpe pati mu grau chye la grau hkan galo shangun ra ai.

　　5. Pati a tsang shagu salang rapdo ni woi on ai hte madu lit la ai hpe gapyon lang ai htung hkan sa ai re. Manghkang gaba hpe go woi jom galo, gumrong gumtsa gahkyin, jom bong, zuphpong ko dodan ai tara maka ko hkan nna, pati a salang rapdo ko bai jom dinglun nna, dodan la shapro ra ai. Salang rapdo salang ni go shawa a dodan hte bungli garan ai ko hkan nna, madu a mu lit hpe atsom galo shatup sa wa ra ai.

　　6. Pati ko nna ganing re masa hte mi rai rai masha langai hpe dik hkum shagrau ai lam hpe pat da ai. Pati a ningbo masha ni a shamu shamot lam hpe pati hte shawa masha ni tek yu nga lu, dai hte rau pati hte mungchying sha ni matu akyu ara galo shapro ai ningbo masha ni a hpung shingkang hpe makop maga ya ai.

　　№11 Pati a tsang shagu gasa zuphpong gaba a gasa hte salang rapdo lata shapro na rai yang, ra lata masha ni a myit atsam shaleng ra ai. Ra lata ladat go ra lata masha a mying n ka ai ladat hku ra lata lakmat bang ai. Ra lata hkrum masha ni a mying jahpan go pati hpongchyom hte ra lata masha ni ko nna atsom bongban ra ai. Ra lata hkrum masha jahpan go hkrak ra lata ra ai masha jahpan hta lo ai man ra ladat hte lata la mai ai.Man ra lata ladat hte shong lata chyam yu nna, ra lata hkrum masha jahpan lata shapro ton lu jang, ra lata jahpan hkrak bai lata shapro rai yang mung mai ai. Ra lata masha ni go ra lata hkrum masha ni a lam chye la, ra lata masha galai lam hpyi shon, ra lata hkrum masha langai mi hpe mung n ra lata ai hte gaga masha hpe ra lata na ahko ahkang lu ai. Ganing re hpongchyom hte dinghkrai masha ni ganing re ladat hte ra lata masha langai hpe dip shagui nna ra lata shangun shing nrai ra lata masha langai hpe n ra lata shangun n mai rai ai.